Martın 5-də Türkiyənin Suriyayla sərhədinə, Hatay vilayətinə düşən hərbi təyyarənin pilotu tapılıb. Axtarışlar 9 saatdan sonra nəticə verib. Pilot sağ-salamat Altınözü kəndində tapılılıb. O, xəstəxanaya çatdırlıb.
Şahidlər təyyarə düşərkən pilotun paraşütlə tullandığını bildirmişdilər. Bundan sonra havadan və qurudan onun axtarışlarına başlanılmışdı. Axtarış zamanı əvvəlcə paraşüt, sonra isə pilot özü tapılıb.
Adı açıqlanmayan 50-55 yaşlarındakı suriyalı pilot əvvəlcə polis şöbəsinə, ordan xəstəxanaya aparılıb.
Meşəyə düşən hərbi təyyarə isə tamamilə yanıb. Təyyarənin düşməsi ilə ərazidə çoxlu sayda ağacı qırıb. Təyyarəyə aid parçalar ətrafa dağılıb. Təyyarənin qalıqları üzərində rusiyalı hərbçilərin araşdırma aparacağı bildirilir.
İdlibi bombalayarkən təyyarəni Suriyanın şimalında yerləşən islamçı Ahraruş Şam qrupaşması vurub.