"Piper Alpha" faciəsindən qalan sual: "Siz harada idiniz?"

-

"Piper Alpha" - Şimal dənizində (Şotlandiyanın Aberdin şəhərinə yaxın) yerləşən neft-qaz hasilatı platformasında 1988-ci ildə baş vermiş yanğında 167 nəfər ölmüşdü, yalnız 62 nəfər sağ qalmışdı. Maddi itki də külli miqdarda idi.

Bu hadisə neft dünyasında o qədər böyük iz qoyub ki, ondan sonra bu sənayedə bir sıra köklü dəyişikliklər olub, təhlükəsizlik məsələlərində inqilab baş verib, neft platformalarının dizaynı dəyişdirilib və s.

"Piper Alpha" faciəsinin dərsləri və etik tərəfi haqda çoxlu kitablar yazılıb, sənədli və bədii filmlər çəkilib.

Azərbaycanlı müstəqil neft mütəxəssisləri hesab edirlər ki, o faciənin etik dərsləri "Günəşli" faciəsinə də aiddir.

"Günəşli"də nə baş verdiyini anlamaq üçün "Piper Alpha Faciəsi" haqda filmlərə baxmağa dəvət edirik.