Keçid linkləri

Təcili xəbərlər
2018, 22 İyul, bazar, Bakı vaxtı 05:25

Çexiyada minlərlə etirazçı baş nazir əvəzinin istefasını tələb edir


İyunun 5-də minlərlə insan Praqada Çexiyanın baş nazir əvəzi Andrej Babisin istefasını tələb edən nümayiş keçirib. O hazırda korrupsiya iddiaları ilə bağlı təhqiqat altındadlr və kommunistlərin dəstəklədiyi hökumət qurmaq niyyətindədir.

İyunun 6-da prezident Milos Zeman Babisi yenidən baş nazir təyin etməyə hazırlaşır.

Babis-in mərkəzçi ANO (Bəli) partiyası oktyabrda keçirilmiş seçkidə qalib gəlsə də, onun azlıq hökuməti yanvar ayında keçirilən etimad səsverməsindən keçə bilməyib.

Həm də kommunistlərin zamanında gizli polislə əməkdaşlıq etməkdə ittiham olunan Babis sosial-demokratlarla birgə hökumət qurmağı planlaşdırır. Bu planı Çexiya kommunistləri də dəstəkləyirlər.

ANO partiyasının 200 yerlik parlamentdə 78 mandatı var. Babis 15 mandatı olan sosial-demokratlarla birgə hökumət yaratdıqdan və daha 15 mandatı olan kommunistlərdən dəstək aldıqdan sonra səs çoxluğuna malik olacağına ümid edir.

Beləliklə 1989-cu ildə kommunistlərin hakimiyyətinə son qoymuş Məxməri inqilabdan bəri ilk dəfə olaraq kommunistlər hökumətə təsir imkanına malik olacaqlar.

Hadisələrin bu sayaq inkişafına etiraz edən 10 minədək nümayişçi paytaxt Praqanın mərkəzinə toplaşmışdı. Bundan başqa Çexiyanın 200-dək şəhər və qəsəbəsində buna bənzər etirazlar keçirilib.

Günün bütün mövzuları

XS
SM
MD
LG