Keçid linkləri

2017, 24 Noyabr, Cümə, Bakı vaxtı 00:12

Azərbaycanlı işadamı Praqada maşınında ölü tapılıb- [yenilənir]


Azərbaycanlı işadamı Rəşad Qafarov

Azərbaycanlı işadamı “Tern Transport & Trading CZ” şirkətinin rəhbəri Rəşad Qafarov maşınında ölü tapılıb. Çexiyanın "Nova TV" televiziyası xəbər yayıb ki, hadisə iyunun 29-da günün günorta çağı baş verib. Onun üzərində bıçaq xəsarətləri olub.
Polis hələlik hadisənin necə baş verməsi ilə bağlı məlumat yaymayıb.

Azərbaycanın Çexiyadakı Konsulluğundan isə AzadlıqRadiosuna deyiblər ki, iyunun 30-da Çex polisindən onlara şifahi məlumat daxil olub.

"Rəşad Qafarovun öz maşınında cansız vəziyyətdə" tapılması haqda məlumat verilib, hadisənin araşdırıldığı bildirilib.

ÇEXİYA TƏDBİRLƏR...

Rəşad Qafarovun rəhbəri olduğu “Tern Transport Trading CZ”“Caspian Logistic Services” şirkətləri Çexiyada müxtəlif tədbirlər, eləcə də eks prezident Heydər Əliyevin anadan olmasının 92-ci ildönümü münasibəti ilə Praqada qala konsert təşkil edib.

Rəşad Qafarovun Çexiyadakı biznesi
Rəşad Qafarovun Çexiyadakı biznesi

Çexiyanın kommersiya şirkətləri haqda məlumat bazasında - Rəşad Qafarovun “Tern Transport Trading CZ”“Caspian Logistic Services”-dən başqa "CLS-Cargo s.r.o", "Oriental Petroleum Ltd" şirkətləri də var.
Bu şirkətlər 2010-cu ildən sonra yaradılıb.

RƏŞAD QAFAROVUN ADI YERLİ MEDİADA...

Rəşad Qafarovun "Linkden in" hesabında qeyd olunur ki, o 2002-ci ildən 2013-cü ilə qədər "Panalpina Central Asia EC"-nin Azərbaycan filialında Müştərilərə Xidmət meneceri işləyib. Azərbaycan mediasında onun adı elə daha çox Panalpina ilə münaqişədə hallanıb.

ANS Televiziyası 2016-cı ildə hazırladığı reportajda BP şirkətinə yük daşıma xidmətləri göstərən Panalpina-nın maliyyə fırıldaqlığı ilə iddialardan bəhs edib.

Yerli mediya yazır ki, bu şirkətin maliyyə fırıldaqlığı ilə bağlı faktları şirkətin keçmiş əməkdaşı Rəşad Qafarov yayıb.

AzadlıqRadiosu mövzunu diqqətdə saxlayır.

Günün bütün mövzuları

XS
SM
MD
LG