Keçid linkləri

Təcili xəbərlər
2018, 15 Avqust, çərşənbə, Bakı vaxtı 04:55

Naxçıvanın daxili işlər naziri işdən çıxarıldı


Əhməd Əhmədov (mia.gov.az)

Naxçıvan Muxtar Respublikasının daxili işlər naziri Əhməd Əhmədov vəzifəsindən azad edilib.

Naxçivantv.az saytının xəbərin görə, bununla bağlı iyunun 28-i Naxçıvan Muxtar Respublikası Ali Məclisinin sədri Vasif Talıbov müvafiq sərəncam imzalayıb.

Hələ bir həftə öncə bəzi KİV-lər Əhməd Əhmədovun işdən çıxarılması haqda məlumatlar yaymışdılar.

Onda bu, nazirin Naxçıvan Ali Məclisinin sədri Vasif Talıbovun qəzəbinə gəlməsi ilə izah edilirdi. Bununla belə, həmin vaxt hər hansı rəsmi açıqlama olmamışdı.

Naxçıvanda adının çəkilməsini istəməyən mənbənin verdiyi məlumata görə, nazirin işdən çıxarılması ilə paralel Muxtar Respublika polisində həbs edilənlər də var. Ancaq bu məlumat rəsmən təsdiqlənmir.

Əhməd Əhmədov nazir olarkən daim Naxçıvandan olan müstəqil jurnalist və qeyri-hökumət təmsilçiləri arasında tənqid olunub. Muxtar Respublikada hüquq pozuntuları ilə bağlı məlumatlarda Əhməd Əhmədovun da adı tez-tez çəkilib.

Əhməd Əhmədovu kimin əvəz edəcəyi isə, hələlik, açıqlanmayıb.

Buna da bax: "Əhməd Əhmədov onları soyundurub, şəxsən özü çubuqla döyüb"

Günün bütün mövzuları

XS
SM
MD
LG