Keçid linkləri

Təcili xəbərlər
2018, 23 Sentyabr, bazar, Bakı vaxtı 02:16

Lukashenka Rusiyanı sərhədi möhkəmlədəcəyi ilə hədələyir


Alyaksandr Lukashenka

Belarus prezidenti Alyaksandr Lukashenka deyib ki, Moskvanın sərhəddəki ara-sıra yoxlamaları dayanmazsa, onun ölkəsi Rusiya ilə sərhəddə yoxlama-buraxılış sistemini bərpa edə bilər.

İyunun 1-də BelTa dövlət xəbər agentliyi bildirib ki, prezident deyib: “Onlar sərhədi bağlamaq istəyirlərsə, buyursunlar. Əgər onlar sərhədi bağlasalar, biz də sərhəd nəzarətini bərpa edəcəyik”.

Bununla belə, Lukashenka deyib ki, o son qərar qəbul etməzdən öncə Modkvanın siyasətlərini müşahidə edəcək.

Minsk 2017-ci ilin fevralında Avropa İttifaqı da daxil, 80-dək ölkəyə beş gün müddətinə vizasız gəliş hüququ verdikdən sonra, Moskva Belarusla sərhəddə vaxtaşırı pasport və maşınların yoxlanmasını həyata keçirir.

Belarus Avropa İttifaqı ilə münasibətlərin yaxşılaşdırılması çərçivəsində xarici ölkələrə verdiyi vizasız səfər rejiminin müddətini artıraraq 15 günə çatdırmağı planlaşdırır.

Minsk və Moskva uzun müddətdən bəridir ki, müttəfiqdirlər, lakin aralarındakı münasibətlər son illərdə kifəyət qədər gərginləşib.

Müşahidəçilərin fikrincə, buna səbəb Belarusun Avropa İttifaqı ilə yaxınlaşmağa can atmasıdır.

Lukashenka son vaxtlarda siyasi məhbusları həbsxanadan buraxıb və müxalifət nümayəndələrinin millət vəkili olmasına imkan verib.

Günün bütün mövzuları

XS
SM
MD
LG