«Ölkədə rüşvət vermə cinayətləri rüşvət alma cinayətlərindən çoxdur».
APA-nın xəbərinə görə, bunu baş prokurorun müavini, Baş prokuror yanında Korrupsiyaya qarşı Mübarizə Baş İdarəsinin rəisi Kamran Əliyev deyib.
«2017-ci ilin 6 ayı ərzində Baş prokuror yanında Korrupsiyaya qarşı Mübarizə Baş İdarəsində vətəndaşların 3 min 656 müraciətinə baxılıb. 125 cinayət xarakterli material araşdırılıb. Həmin materialların 75-i üzrə cinayət işi başlanıb, 50 material üzrə…29 nəfər vəzifəli şəxs intizam məsuliyyətinə cəlb edilib».
O bildirib ki, hesabat dövründə Baş İdarədə dövlət və özəl sektorda çalışan 133 vəzifəli şəxs barəsində 103 cinayət işinin istintaqı tamamlanaraq məhkəmələrə göndərilib.
Ancaq ictimaiyyət arasında Baş prokuror yanında Korrupsiyaya qarşı Mübarizə Baş İdarəsinin fəaliyyətinə heç də birmənalı münasibət yoxdur. Bəzi ekspertlər hesab edirlər ki, bu idarə korrupsiyaya bulaşmış iri dövlət məmurları ilə ciddi mübarizə apara bilmir.