Keçid linkləri

Təcili xəbərlər
2018, 18 İyul, çərşənbə, Bakı vaxtı 05:02

ADY təkcə 'Şanxay məhəlləsi'ni köçürmür


Bakıdakı “Şanxay” adlanan ərazi. 2014

Bakıdakı “Şanxay” adlanan ərazinin sakinləri qiymətləndirmədən narazı olsalar da, «Azərbaycan Dəmir Yolları» (ADY) Qapalı Səhmdar Cəmiyyəti qiymətləndirmə şirkəti ilə artıq razılıq əldə edib.

ADY ASC-nin İctimaiyyətlə əlaqələr şöbəsinin rəisi Sevinc Qədirova AzadlıqRadiosu-na deyib ki, söküntü işləri Keşlə stansiyasının 2-ci blok postundan Böyük Şor stansiyasına qədər uzunluğu 1 km olan ərazini əhatə edir. Bundan başqa, 2-ci blok postdan Yeni Bakı Neftayırma Zavoduna gedən, uzunluğu 0,835 km olan dəmiryolu xətlərinin mühafizə zolağına düşən tikililərin də köçürülməsi gündəmdədir.

Buna da bax:​ 'Şanxay' sakinləri: 'Polislə gəliblər, xof yaradırlar, bizsə çıxmaq fikrində deyilik'

Bu ərazidə yerləşən yaşayış və qeyri-yaşayış obyektlərinin qiymətləndirilməsi məqsədilə «Vahid Qiymətləndirmə Şirkəti» MMC ilə müqavilə bağlanıb. Müqavilənin dəyəri 118 min 750 min manatdır. Sökülməsi planlaşdırılan obyektlərin sayı haqda məlumat verilmir.

2015-ci ildə elan olunmuşdu ki, dəmir yolunun mühafizə zolağında 2 min 840 qanunsuz tikili var. Bunun 2 min 300-dən çoxu yaşayış evləridir. Mühafizə zolağına düşən obyektlərin təxminən 900-nün sökülməsi haqda təqdimat Nazirlər Kabinetinə 2 il öncə təqdim olunub. Nazirlər Kabinetinin 22 yanvar 2005-ci il qərarına görə, dəmiryolu mühafizə zolağında yerləşən tikililərlə dəmiryolu xətti arasında, azı, 20 metr məsafə olmalıdır.

Günün bütün mövzuları

XS
SM
MD
LG