İsrailin Enerji Nazirliyi ölkənin Aralıq dənizindəki qaz yataqlarının kəşfiyyatı üçün 12 lisenziyanı 6 şirkətə verib.
Reuters agentliyi yazır ki, tenderin nəticəsi olaraq lisenziyalardan biri İtaliyanın Eni, Dana Petroleum və İsrailin Ratio Energies şirkətlərindən ibarət qrupa təqdim olunub.
Bu qrup böyük Leviatan yatağının qərb hissəsində işləyəcək.
İkinci qrupa isə Azərbaycanın SOCAR, Britaniyanın BP və İsrailin NewMed şirkətləri daxildir.
İsrailin enerji naziri İsrael Kats deyib ki, sözü gedən şirkətlər qarşıdan gələn üç ildə qaz kəşfiyyatı sahəsində misilsiz investisiyalar yatırmaq öhdəliyi götürüblər.
Əslində lisenziyalar da ilkin müddət olaraq üç il üçün verilib. Lisenziyaların müddəti daha sonra nəticələrdən asılı olaraq 7 ilədək uzadıla bilər.
Daha böyük yataqlar tapmaq ümidi ilə
Nazirliyin məlumatında deyilir ki, lisenziyaları almış şirkətlər əvvəlcə onlara tapşırılmış sahələri yoxlayacaq, daha sonra isə yatağın inkişaf etdirilməsinə dair qərar qəbul edəcəklər.
Reuters yazır ki, BP-nin sözçüsü SOCAR-ın başçılıq etdiyi konsorsiuma lisenziya verilməsini təsdiq edib.
BP, SOCAR və and NewMed ötən iyulda keçirilən tenderdə birgə iştirak edirdilər.
Son 15 ildə Aralıq dənizinin şərq hissəsinin İsrail sahillərində böyük qaz yataqları aşkar edilib və İsrail kəşfiyyat-axtarış işləri vasitəsilə daha böyük yataqların tapılacağına ümid edir.
Bu da qeyd olunur ki, İsrailin şimal sahillərindəki Kariş qaz yatağının əməliyyatçısı olan Energean şirkəti ölkənin əsas qaz təchizatçısıdır.
