Keçid linkləri

Təcili xəbərlər
2018, 23 Oktyabr, çərşənbə axşamı, Bakı vaxtı 13:19

İsrail "erməni soyqırımı" məsələsinin müzakirəsini təxirə salıb


Benjamin Netanyahu

İsrailin baş naziri Benjamin Netanyahu ermənilərin Osmanlı imperiyası dövründə “soyqırımına” məruz qalması ilə bağlı qanun layihəsinin müzakirəsini gündəlikdən çıxarıb.

AzadlıqRadiosunda olan məlumata görə, İsrailin xarici işlər nazirliyi iyunun 3-də bəyan edib ki, Netanyahu məsələnin müzakirəsini Türkiyədə keçiriləcək seçkilərədən sonraya saxlamaq qərarına gəlib.

Məlumata görə, İsraildə belə bir narahatlıq var ki, məsələnin indi müzakirəyə çıxarılması, seçki kampaniyası zamanı Türkiyə prezidenti Racep Tayyip Erdoganın xeyrinə işləyə bilər.

Recep Tayyip Erdogan
Recep Tayyip Erdogan

Qeyd edək ki, iyunun 24-də Türkiyədə prezident və parlament seçkiləri keçiriləcək.

Ermənistan Osmanlı imperiyası dövründə Türkiyədə 1,5 milyon erməninin “soyqırımına” məruz qaldığını iddia edir.

Türkiyə isə ittihamı qəti şəkildə rədd edir.

Rəsmi Ankara dəfələrlə bəyan edib ki, birincisi bu rəqəm qat-qat şişirdilib, ikincisi isə həmin dövürdə baş verən vətəndaş müharibəsində hər iki tərəfdən xeyli itki olub.

Qeyd edək ki, Fransa ilə Almaniya da daxil olmaqla indiyədək 20-dən çox ölkə həmin dövrdəki “erməni qırğınını”, “soyqırım” kimi tanıyıb.

Ötən ay İsraillə fələstinlilər arasında başlayan toqquşmalardan sonra yenidən Türkiyə-İsrail münasibətlərində gərginlik yaranıb.

Erdogan İsraili “terroçu dövlət” adlandırıb və onun fələstinlilərlə davranışını, Nasist Almaniyası-nın yəhudilərə olan münasibətilə eyniləşdirib.

Buna da bax: "Erdoğan İslam dünyasını İsrailə qarşı birləşməyə çağırıb"

Netanyahu isə Erdoganı Türkiyə və Suriyadakı kürdlərin “qətlində” günahlandırıb.

Benjamin Netanyahu
Benjamin Netanyahu

Tərəflər qarşılıqlı şəkildə səfirlərini geri çağırıblar.

Buna da bax: "Erdogan-la Netanyahu bir-birini təhqir etdilər".

Günün bütün mövzuları

XS
SM
MD
LG