Keçid linkləri

Təcili xəbərlər
2018, 21 Sentyabr, Cümə, Bakı vaxtı 13:56

Infantino deyir ki, Rohani ona qadınların stadionlara buraxılacağını vəd edib


Gianni Infantino

FIFA-nın rəhbəri Gianni Infantino deyir ki, İran prezidenti Hassan Rohani onu İran qadınlarının futbol matçlarına tamaşa etmək üçün stadionlara buraxılacağına əmin edib, hərçənd buna “bir balaca” vaxt lazım gələ bilər.

Infantino martın 2-də FIFA-nın Sürixdəki qərargahında deyib ki, ona İran qadınlarının bu yaxınlarda stadionlara buraxılacağına dair vəd verilib.

FIFA rəhbəri bildirib: “Prezident mənə dedi ki, İran kimi ölkələrdə belə işlərə bir az vaxt lazım gəlir”.

Infantino-nun bu bəyanatından əvvəl, martın 1-də İranın Daxili İşlər Nazirliyi bildirib ki, 35 qadının Tehranın Azadi stadionuna girişinin qarşısı alınıb və “onlar polisin göstərişi ilə lazımi yerə göndəriliblər”.

İranda qadınların idman yarışlarına stadionlarda tamaşa edə bilməsi üçün kampaniya aparan AçıqStadionlar qrupu bildirir ki, stadionun yaxınlığında bir neçə qadın həbs olunub.

Yarırəsmi ISNA agentliyi DİN-in sözçüsü Salman Samaniyə istinadən bildirib ki, qadınlar həbs olunmayıblar, sadəcə olaraq polis onları “müvafiq yerə” aparıb.

Infantino deyib ki, o Rohani ilə martın 1-də Tehrana səfəri zamanı görüşüb. Bəzi qadın haqları müdafiəçiləri onu bu səfərə görə tənqid edirlər.

FIFA-nın bərabərlik konfransında çıxış edən Infantino deyib ki, onun İrana səfəri “dünya boyunca bir çox qadınlara kömək edəcək”.

İran bundan əvvəl FIFA-nın qadınların stadionlara buraxlımasına dair çağırışlarını rədd edib.

FIFA-nın keçmiş rəhbəri Sepp Blatter 2015-ci ildə İran hakimiyyət orqanlarına müraciət edərək demişdi ki, “vəziyyət bu cür davam edə bilməz”.

Günün bütün mövzuları

XS
SM
MD
LG