Gürcüstanın millət vəkilləri Konstitusiyaya parlament üsul-idarəsini bərqərar edən düzəlişə səs veriblər. Bu düzəlişdən sonra ölkə prezidenti parlament tərəfindən seçiləcək.
Qanuna düzəlişlər habelə torpağın xaricilər tərəfindən alınmasını leqallaşdırır. Sentyasbrın 26-da edilmiş bu düzəlişin parlmentdən keçməsini hakim Gürcüstan Arzusu partiyasından millət vəkilləri təmin ediblər.
İki müxalifət partiyası – Vahid Milli Hərəkat və Azadlqı Naminə Avropa Gürcüstan hərəkatı partiyalarından olan millət vəkilləri parlamentin sessiyasını tərk ediblər. Parlamentdə üçüncü partiya olan Gürcüstan Vətənpərvərlər Alyansı düzəlişlərin əleyhinə səs verib.
Bu sessiya spiker İrakli Kobaxidzenin parlamentin xüsusi sessiyasını çağırmaq ricasına rəğmən keçirilib. Bu rica sentyabrın 25-də prezident Giorgi Marqvelaşvili tərəfindən rədd edilmişdi.
Hakim partiyanın opponentləri bildirirdilər ki, düzəlişlərin layihəsi əksər üzvləri Gürcüstan Arzusu partiyasının üzvlərindən ibarət Dövlət Konstitusiya Komissiyası tərəfindən tərtib edilib və bundan məqsəd partiyanın hakimiyyətinin möhkəmləndirilməsidir.
Prezidentliyə aid dəyişikliklər gələn ilin seçkisindən qüvvədə olacaq.
Hazırkı qanunla kənd təsərrüfatı əhəmiyyətli torpaqlar yalnız dövlət qurumlarına və Gürcüstan vətəndaşları olan fərd və fərdlər qrupuna satıla bilər.
Düzəliş, parlament böyük səs çoxluğu ilə istisnaya səs verdikdə torpağın həm də xaricilərə satılmasını mümkün edir.