Fransanın xarici işlər naziri bəyan edib ki, Paris Rusiyaya Ukraynaya qarşı təcavüzünə görə elan edilmiş sanksiyalara tez bir zamanda yenidən baxılmasının əleyhinədir.
Fransa rəsmiləri deyirlər ki, Moskva üzərindən sanksiyaların qaldırılması Ukraynadakı sülh prosesinin tərəqqisindən asılı olmalıdır.
Fransanın xarici işlər naziri Jean-Yves Le Drian bu bəyanatı iyunun 6-da verib. Bundan az əvvəl İtaliyanın yeni baş naziri bildirmişdi ki, o, Rusiya üzərinə 2014-cü ildə qoyulmuş Avropa İttifaqı sanksiyalarına yenidən baxılmasına çalışacaq.
Le Drian Fransanın Avropa 1 radiosuna mesahibəsində İtaliyaya müraciətlə deyib ki, Rusiya üzərinə qoyulmuş sanksiyalar yalnız Ukrayna münaqişəsinə son qoyulması istiqamətində tərəqqi əldə edildikdən sonra mümkün ola bilər.
İyunun 5-də Romada senatorlara müraciət edən baş nazir Giuseppe Conte deyib ki, o Rusiya üzərinə qoyulmuş sanksiyalara yenidən baxılmasına çalışacaq.
Conte-nin çıxışından az əvvəl parlamentin yuxarı palatası onun yeni populist koalisiya hökumətinin dəstəklənməsinə səs verib.
Bundan əvvəl Avstriyaya səfər edən Rusiya prezidenti Vladimir Putin demişdi ki, Moskva üzərinə qoyulmuş sanksiyalardan hamıya ziyan dəyir və hamı biu sanksiyaların qaldırılmasında maraqlıdır.
Almaniya, Fransa, Ukrayna və Rusiyanın xarici işlər nazirləri iyunun 11-də Berlində görüşərək Ukrayna münaqişəsi məsələsini müzakirə edəcəklər.
