Keçid linkləri

2024, 29 Mart, Cümə, Bakı vaxtı 03:48

Petr Čech yığmadan getdi


Petr Čech
Petr Čech

«Arsenal»ın qapıçısı Petr Čech klub karyerasına köklənmək istədiyini və bu üzdən Çexiya yığmasında çıxışını bitirdiyini açıqlayıb.

London klubunun mətbuat xidməti 34 yaşlı qapıçının açıqlamasını yayıb: «Lap uşaqlıqdan yığmada, heç olmasa, bir oyun keçirməyi arzulayırdım. Dəfələrlə milli komanda formasında meydana çıxmağım məni qürurlandırır. Çexiya yığmasında karyeramı bitirmək qərarımın kökündə sırf futbol aspekti dayanır. Müxtəlif klubların heyətində çoxlu oyun keçirmişəm və belə yüksək səviyyədə oynamağı davam etdirmək istəyirəm. İşimi keyfiyyətli görmək üçün mənə balans tapmaq zəruridir. Çox güman, istirahət və gücümü bərpa etməyə daha çox vaxt tələb olunur. Çexiya və Çexoslovakiya yığmalarının tarixinə baxın. Çoxlu böyük adlar görəcəksiz. Yığmada onlardan çox oyun keçirmişəm. 14 il milli komandada oynamışam. Fantastik xatirələrim var. Zamanı saxlamaq mümkünsüzdür və bəzən gələcəyə yönəlik doğru qərar vermək lazımdır. Doğru addım atdığımı düşünürəm».

2002-ci ildən milli formanı geyən və 124 oyun keçirən Petr Čech bu baxımdan Çexiya yığmasının rekordçusudur.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG