Keçid linkləri

2024, 29 Mart, Cümə, Bakı vaxtı 03:41

Çeçenistanda 28 nəfər məhkəməsiz edam olunub?


Ramzan Kadyrov Qroznı stadionunda hərbçilərlə
Ramzan Kadyrov Qroznı stadionunda hərbçilərlə

2017-ci il yanvarın 26-da Çeçenistanda 27 nəfərin məhkəməsiz, gizlicə öldürüldüyü güman edilir.

Azadlıq Radiosu Rusiya xidmətinin məlumatına görə, bu barədə “Novaya qazeta” iki mənbəə istinadla xəbər yayıb.

Qəzetin bu mənbələrinin Rusiya İstintaq komitəsi və respublika administrasiyasından olduğu bildirilir.

Amma “Novaya qazeta” məhkəməsiz edamların səbəbini bilmir.

Jurnalistlərdə olan məlumata görə 2016-cı il dekabrın 17-dən sonra Çeçenistanda keçirilən kütləvi reydlər zamanı hüquq-mühavizə orqanlarının əlinə ümumilikdə 27 nəfər keçib.

Yazıda bildirilir ki, onların barəsində rəsmi protokollar tərtib olunmayıb və onlara qarşı ittiham irəli sürülməyib.

Məlumata görə həbs olunanlar zirzəmilər və polis şöbələrinin xüsusi məntəqələrinə salınıblar.

Çeçenistan daxili işlər nazirliyindəki mənbə redaksiyaya saxlanmış 28 Şali sakininin adlarını verib.

Jurnalistlər onların ünvanlarını dəqiqləşdirsələr də hələlik həmin insanların taleyi barədə dəlillər aşkar edə bilməyiblər.

“Bu insanların taleyi barədə nəsə bilmək cəhdlərimiz həmsöhbətlərimizin inanılmaz qorxusu ilə qarşılandı.

Onlardan biri, Şali şəhər administrasiyasının əməkdaşıtəlaş içində bizim müəyyən elədiyimiz adlarla tanış olmaqdan imtina elədi və dedi: “Yanvarda Şalidə saxlananların hamısı artıq yoxdur. Axtarmayın “,qəzet yazır.

Çeçenistanın milli siyasət məsələləri üzrə naziri Cambulat Umarov “Dojd” televiziya kanalına “Ria Novosti” nin məlumatını təkzib edib, bunu qeyri-sağlam fantaziya adlandırıb.

Buna da bax:"Çeçenistanda geylərə elektroşok verilir"

Qeyd

2016-cı il dekabrın 17-də bir qrup gənc, tanış polis əməkdaşını öldürüblər.

Hüvcum edənlər polis maşınını qaçırıblar və qaçarkən həmin maşınla dah bir yol polisini vurublar. 3 saxlanan şəxs də daxil olmaqla, hücum edənlərin hamısı öldürülüb.

“Memorial” hüquq-müdafiə mərkəzinin məlumatına görə, onların hamısını Qroznı xəstəxanasında güllələyiblər.

Bundan sonra bütün Çeçenistan üzrə kütləvi həbslər aparılıb, həmçinin iki əks-terror əməliyyatı keçirilib.

Xatırlatma

«Novaya gazeta» bundan əvvəl Çeçenistanda qeyri-ənənəvi cinsi oriyentasiyaya görə şübhəli bilinən sakinlərin kütləvi saxlandığını yazmışdı.

Qəzet artıq yüzlərlə kişinin saxlandığını qeyd edir. Qəzetə qətlə yetirilən üç nəfərin adı bəlli olsa da, qurbanların daha çox olduğu vurğulanır.

Həbslər barədə məlumatlar artıq Çeçenistan Respublikasının XİN-i, respublika rəhbərinin administrasiyası, Rusiya Federal Təhlükəsizlik Xidmətinin (FSB) Çeçenistan üzrə idarəsi, Çeçenistan prokurorluğu və yerli LGBT fəalları tərəfindən təsdiqlənib. Fəalların bəziləri həbsdən buraxılan kimi ölkəni tərk ediblər. Bəziləri isə dostları və yaxınlarının həbsindən sonra ölkədən gediblər. Həbslər təkcə Qroznıda yox, müxtəlif yaşayış məntəqələrində aparılır.

Buna da bax: "Çeçenistanda namus qətlləri baş qaldıra bilər"

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG