Keçid linkləri

2017, 23 Aprel, bazar, Bakı vaxtı 14:26

Almaniya federal prokurorluğunun verdiyi məlumata görə “Borussia” futbol komandasına bomba basqını ilə bağlı “islamçı keçmişə” malik şəxs saxlanıb.

Dortmunda yol kənarında gizlədilmiş üç bombanın partlayışı nəticəsində “Borussia” komandasının bir oyunçusu və bir polis zabiti xəsarət alıb.

Aprelin 11-də partlayışlar baş verəndə komanda avtobusla mehmanxanadan Çempionlar Liqası çərçivəsində Monaco komandası ilə oynamaq üçün stadiona yollanırdı.

Müstəntiqlər Almaniyanın “islamçı məkanından” olan iki şübhəlinin mənzillərində axtarış aparıblar.

Prokurorluq bildirir ki, hazırda şübhəlilərin hüquqi həbsinə qərar verilməsinin zəruriliyi öyrənilir.

Partlayışlar zamanı "Borussia" komandasının oyunçusu Marc Bartra xəsarət alıb

Partlayışlar zamanı "Borussia" komandasının oyunçusu Marc Bartra xəsarət alıb

Polis bildirir ki, basqının “dəqiq motivi hələlik bəlli deyil”.

Hazırda hadisə yerindən tapılmış üç bir-birinə bənzər məktub təhlil edilir.

Bundan əvvəl ölkə mediasında dövriyyə edən məktubun surətində ötən ilin dekabrında Berlində Milad yarmarkasına çırpılaraq 12 nəfərin ölümünə səbəb olmuş yük maşınından söhbət gedir.

Berlin basqını üçün məsuliyyəti öz üzərinə İslam Dövləti adlandırılan təşkilat götürmüşdü.

Angela Merlkelin sözçüsü Steffen Seibert deyib ki, kansler də Dortmund camaatı və milyonlarla alman kimi hadisədən narahatlıq keçirir.

Sənin fikrin

Şərhləri göstər

Günün bütün mövzuları

XS
SM
MD
LG