Keçid linkləri

2017, 29 May, Bazar ertəsi, Bakı vaxtı 19:20

Keçmiş prezident Bill Clinton Oval ofisdə olduğu günlərin təcrübə və xatirələrindən faydalanaraq yazıçılığa başlayıb.

O tanınmış bestsellər ustası James Patterson-la birlikdə “Prezident yoxa çıxıb” (The President Is Missing) adlı triller üzərində işləyir.

ABŞ-ın 42-ci prezidenti deyib ki, yazıçı olmaq, həm də “içindən” bildiyin şeylər, Vaşinqtonun siyasi həyatı, Ağ Ev və sair barədə yazmaq elə prezident olmaq qədər maraqlıdır.

Keçmiş prezident bunu da deyib ki, qələmdaşı Patterson bundan əvvəl də sevdiyi yazıçı idi.

Yaxşı bəs prezident niyə yoxa çıxıb? Prezident də yoxa çıxar? Buna bənzər sualların cavabı hələlik olmasa da, The New York Times qəzetinin yazdığına görə romanın bir neçə fəsli artıq hazırdır.

“Prezident yoxa çıxıb” kitabını 2018-ci ildə Knopf and Little nəşriyyatı çap edəcək, lakin naşirlər romanı indidən “qlobal drama” adlandırırlar.

Yazıçı Patterson isə deyib ki, prezident Clinton-la həmmmüəllif olmağı karyerasının zirvəsi sayır.

"Mən əsərin nağılçısıyam və prezident Clinton-un hadisələrə daxildən baxışı maraqlı və nadir kombinasiyadır” – deyib yazıçı.

O deyir ki, prezidentlər haqqında bədii əsərlər indiyədək çox yazılıb, lakin bu barədə yazanın prezident olması görünməmiş hadisədir.

Lakin The New York Times xatırladır ki, Jimmy Carter də 2003-cü ildə “Arı yuvası” adlı tarixi roman yazıb.

Clinton-a gəlincə, bir çoxları onu bədii əsər müəllifi kimi yox, daha çox əsər qəhrəmanı kimi görürlər.

O artıq indiyədək “Əsas rənglər” (Primary Colors) və “Təbii” (The Natural) kimi bədii filmlərin prototiplərindən olub.

Sənin fikrin

Şərhləri göstər

Günün bütün mövzuları

XS
SM
MD
LG