"The Hurun Report" maliyyə dərgisinin xəbərinə görə Çin 251 milyarderin, 2.7 milyon da milyonerin yaşadığı ölkədir. Amma həm də BMT-nin məlumatına görə bu ölkədə azı 1.3 milyon adam gündə 1.25 dollara dolanır. Hökumət ölkədəbelə sosial təbəqələşmənin azaldılması üçün qarşıdakı 10 ildə ailə gəlirlərinin 2 dəfə artırılacağını vəd edir. Hələlik isə Çində kasıblıq səviyyəsi ilə zənginlər arasında kəskin fərq ölkədə sosial sabitliyə çox ciddi təhlükə olaraq qalır. Çinin bu təzadlı həyatı fotolarda.
Çində dərinləşən sosial təbəqləşmə fotolarda
1
Bu fotolarda Pekinin miqrantlar yaşayan hissəsindəki restoranda şam edən ailə və bir də beşulduzlu otelin restoranında qəhvə uçən iki kişini əks olunur.
2
Bir fotoşəkildə Pekin yaxınlığındakı Hebei əyalətində kəndli əkin sahəsində gözünün acısını alır., yanındakı fotoda isə paytaxtda spa salonunda bir xanım massajın kefini görür. Çində 1990-cı illərdən zəngin şəhərlərlə, yoxsul kəndlər arasında uçurum böyüyür. Elə böyük şəhərlərin öz yoxsulları da bəzilərinə zənginlik gətirən tikinti bumundan kənarda qalıblar.
3
Pekinin miqrantlar məhəlləsində bir qızcığaz saçlarını ləyəndə yuyur. Paytaxtın başqa bir hissəsində fransız bərbər Eric Constantino Pekinin ən lüks gözəllik salonlarından birində reklam üçün öz işçisinin saçlarını yuyur. Təəccüblü deyil ki, salonun adı da Eric Constantinodur.
4
Sürmək də var, sürmək də. Bir var leysan yağışda velosiped və ya motosiklet sürəsən və bir də var bahalı Porsche maşınını supermarketin qarşısında park edib bazarlığa gedəsən. Çin dəbdəbəli avtomobil istehsalçıları üçün sərfəli bazardır və bu mənada Birləşmiş Ştatlarla rəqabətdədir.
Bölmələr
- Siyasət
- Sosial
- İqtisadiyyat
- Azərbaycan-Ermənistan münaqişəsi
- Dünya
- Radio: Qaynar xətt
- İslam və demokratiya
- Insan haqları
- İdman
