-
2016-cı ilə sayılı günlər qalır... Vaxt daraldıqca, Bakı Dəmiryol Vağzalında kassaların qarşısında sərnişinlər çoxalır.
Ən çox tələbatsa Tbilisi istiqamətinə gedən qatarlaradır.
Yolu Gürcüstana olan sərnişinlər arasında öz evinə gedəni də var, bayramı orada keçirmək istəyəni də.
Ən çox bilet 29 və 30 dekabr tarixlərinə satılıb. Azərbaycan Dəmir Yolları Qapalı Səhmdar Cəmiyyətinin sözçüsü Nadir Əzməmmədov deyir ki, sıxlıq olan qatarlara əlavə vaqonlar qoşulacaq.
Yeni ili Tblisidə qarşılamaq və ya daha ucuz təyyarə bileti ilə Avropaya uçmaq imkanı da Gürcüstana gedənlərin sayına təsir edir...
Bakıdan gedən qatara sıxlıq bayrama qədər, Bakıdan gələn qatarlarda isə bayramdan sonra olacaq.
