Keçid linkləri

2024, 28 Mart, Cümə axşamı, Bakı vaxtı 15:22

Rusiya ilə İranı birləşdirəcək 2 enerji dəhlizindən biri Azərbaycandan keçəcək


Alexander Novak və Bijan Zanaganeh
Alexander Novak və Bijan Zanaganeh

Rusiya-Gürcüstan-Ermənistan və İranı birləşdirəcək “Şimal-Cənub” enerji dəhlizinin texniki-iqtisadi əsaslandırılması 2017-ci ilin ikinci yarısında hazır olacaq.

Bunu Rusiyanın energetika naziri Aleksandr Novak Tehranda iranlı həmkarı Bijan Zanaganehlə iki enerji dəhlizini müzakirə etdikdən sonra deyib.

Novak bildirib ki, ikinci enerji dəhlizinin Azərbaycandan keçməsi nəzərdə tutulur.

Onun sözlərinə görə, martın ortalarında mütəxəssislər layihənin reallaşdırılmasını müzakirə edəcəklər.

RİA Novostinin məlumatına görə, “Şimal-Cənub” layihəsi ilə bağlı işə hələ -ci ilin dekabrından başlanıb.

2016-cı ilin sentyabrında isə Batumidə bu enerji dəhlisinin texniki-iqtisadi əsaslandırılması və layihənin reallaşması ilə bağlı gələcək tədbirlər barədə razılaşma imzalanıb.

Bu enerji dəhlizinin gücü 1,2 geqavata qədərdir.

Aleksandr Novak İranın cənubunda “Sirik” istilik elektrik stansiyasının təməlqoyma mərasimində iştirak edib.

O jurnalistlərlə söhbət zamanı deyib ki, İran çoxlu elektrik stansiyaları tikməyi planlaşdırır və bu müqavilələrin xeyli hissəsini Rusiya ala bilər.

Onun sözlərinə görə, İran 8% civarında iqtisadi artım proqnozlaşdırır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG