Keçid linkləri

2024, 29 Mart, Cümə, Bakı vaxtı 10:40

Nazir müavini: 'Razılaşdırılmamış mitinqlərə imkan verilməyəcək'


Polis
Polis

«Referendum zamanı ictimai asayişin qorunması üçün daxili işlər orqanları bütün tədbirləri görəcək. Referendum ərəfəsində razılaşdırılmamış yürüşlərin, mitinqlərin, piketlərin keçirilməsinə imkan verilməyəcək».

APA-nın xəbərinə görə, bunu avqustun 18-də Mərkəzi Seçki Komissiyasının (MSK) referendumla bağlı keçirdiyi seminar-müşavirədə daxili işlər nazirinin müavini Oruc Zalov deyib.

O.Zalov «Referendum prosesində Daxili İşlər Nazirliyi orqanlarının rolu və vəzifəsi» mövzusunda çıxış edib.

O, bildirib ki, bu prosesə xələl gətirmək istəyənlərə heç bir imkan tanınmayacaq: 2Seçki komissiyalarının müraciətindən 10-15 dəqiqə sonra polis orada olacaq. Qeydə alınmış təşviqat qrupları ayrılmış açıq və qapalı yerlərdə öz təşviqatını aparacaq. Referendum günü isə seçki prosesinə xələl gətirmək istəyənlərin qarşısını almaq üçün polis əməkdaşları gücləndirilmiş iş rejimində çalışacaq».

Buna da bax - Həbslərin yeni dalğasımı başlandı?

Konstitusiyaya dəyişikliklərin əleyhinə olan bəzi müxalif qüvvələr artıq kütləvi aksiyaların keçirilməsi ilə bağlı müzakirələr aparırlar.

Bu il sentyabrın 26-da ölkə Konstitusiyasına dəyişikliklərlə bağlı referendum keçiriləcək.

Referendum Aktı layihəsində Azərbaycanda birinci vitse-prezident və vitse-prezidentlər postunun yaradılması nəzərdə tutulur. Habelə, prezidentin səlahiyyət müddəti 5 ildən 7 ilə artırılır.

Prezident və parlament seçkilərində yaş məhdudiyyəti aradan qaldırılır. Bütün bunlardan başqa, prezidentə parlamenti buraxmaq səlahiyyəti də verilir.

Buna da bax - Sentyabrın 26-da Azərbaycanda hansı hadisə baş verəcək? Sorğu

Sentyabrın 26-da Azərbaycanda hansı hadisə baş verəcək? Sorğu
Gözlə

No media source currently available

0:00 0:00:50 0:00

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG