Keçid linkləri

2024, 19 Mart, çərşənbə axşamı, Bakı vaxtı 10:33

Aya turist səfəri olacaq


SpaceX şirkəti bildirib ki, gələn il Aya iki turist aparacaq.

İnsanın Yerin təbii peykinə son səfəri yarım əsr bundan əvvəl NASA-nın Apollo missiyaları ilə həyata keçirilib.

Texnologiyalar milyarderi, şirkətin təsisçisi Elon Musk bu sensasiyalı xəbəri bəyan edərkən deyib ki, Aya turist səfəri üçün iki nəfər şirkətə müraciət edib.

SpaceX “bir-birinə tanış olan” bu iki nəfərin adlarını hələlik açıqlamayıb.

Sadəcə olaraq bildirilib ki, onlar bir həftə davam edəcək səfər üçün “əhəmiyyətli məbləğdə beh veriblər”.

Cənab Musk habelə deyib ki, SpaceX NASA astronavtlarının Beynəlxalq Kosmik Stansiyaya çatdırılması üçün 2018-ci ilin ortalarında bir neçə missiya təşkil edəcək.

Lakin Aya sözü gedən “turist missiyası” ilin sonlarına yaxın baş tutacaq.

İki turisti Aya texnologiyalar milyarderi Elon Musk göndərəcək
İki turisti Aya texnologiyalar milyarderi Elon Musk göndərəcək

Bu məqsədlə Dragon ekipaj kapsulundan və Falcon ağır raketindən istifadə olunacaq.

Cənab Musk “Ay turistləri” barədə deyib ki, onlar yeni eranın başlanğıcını qoyurlar və qarşılaşa biləcəkləri riskləri başa düşürlər.

“Onlar sadəlövh deyillər, biz də öz növbəmzidə riskləri minimuma yaxınlaşdırmağa çalışırıq” – deyib SpaceX rəhbəri.

Jurnalistlərin israrlı suallarına baxmayaraq cənab Musk turistlərin nəinki adlarını açmayıb, onların heç cinsiyyəti barədə də məlumat verməyib. Şirkət rəhbəri yalnız bunu deyib ki, turistlər Hollivuddan deyillər.

Bu da qeyd olunur ki, kainat gəmisi Aya çatsa da, turistlər onun səthinə enməyəcək, onun ətrafında dövrə vuraraq və Yerə qayıdacaqlar.

Yerdən Ayadək məsafə 386 min kilometrdir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG