Keçid linkləri

2024, 29 Mart, Cümə, Bakı vaxtı 10:43

Rusiya Türkiyə ilə əlaqələri bərpa edir


 Recep Tayyip Erdogan və Vladimir Putin
Recep Tayyip Erdogan və Vladimir Putin

Rusiya prezidenti Vladimir Putin rusiyalı turistlərin Türkiyəyə səfərinə qoyulmuş qadağanı qaldırır.

Kremlin məlumatına görə, belə bir razılaşma Vladimir Putinlə Türkiyə prezidenti Racep Tayyip Erdogan arasında keçirilən bugünkü telefon söhbəti zamanı əldə olunub.

Bu Türkiyənin ötən ilin noyabrında Suriya sərhədi yaxınlığında Rusiyanın hərbi təyyarəsini vurmasından sonra liderlər arasında ilk telefon söhbətidir.

Həmçinin Putin ticarət əlaqələrinin bərpa olunması üçün nazirlərə göstəriş verəcəyini deyib.

İyunun 29-da Moskvanın təşəbbüsü ilə keçirilən telefon söhbəti 45 dəqiqə çəkib.

Məlumatlara görə söhbət çox səmərəli olub.

Prezidentlər həmçinin görüşmək, terrorçuluqla mübarizədə əməkdaşlığı bərpa etmək qərarına gəliblər.

Qeyd edək ki, Türkiyənin ötən ilin noyabrında Türkiyə sərhədi yaxınlığında Rusiya təyyarəsini vurmasından sonra iki ölkə arasındakı münasibətlər kəskin pisləşib.

Rusiya buna görə Türkiyəyə qarşı bir sıra sanksiyalar tətbiq edib, Ankara ilə birgə layihələrdən çıxıb.

Türkiyə təyyarənin onun hava məkanını pozduğunu, Rusiya isə onun Suriya ərazisində vurulduğunu təkid edir.

Türkiyə prezidenti Racep Tayyip Erdogan bundan əvvəl Kremlə məktub göndərərək insidentdən təəssüfləndiyini bildirib, və həmin vaxt həlak olan pilotun ailəsindən üzr istəyib.

Rusiya təyyarəsi Türkiyə sərhəddində belə vuruldu

Rusiya təyyarəsi Türkiyə sərhəddində belə vuruldu
Gözlə

No media source currently available

0:00 0:01:14 0:00

DİNLƏ: Günün əsas hadisələri Azadlıq Radiosunda - 29 iyun

İqtisadçıların gözündən yayınmayan "unikal" Azərbaycan reallığı
Gözlə

No media source currently available

0:00 0:30:00 0:00
Direct-ə keçid

BAX: Günün əsas hadisələri Azadlıq Radiosunun TV proqramında

İsraillə sazişdən sonra terror təsadüfdir?

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG