Türkiyə ordusu Suriyanın Afrin şəhərinin mərkəzini tam nəzarətə götürüb.
Bu barədə Türkiyə prezidenti Recep Tayyip Erdogan bildirib.
Suriyanın şimal-qərbində - Türkiyə sərhədinə yaxın yerləşən Afrinə kürd yaraqlıları nəzarət edirdi. Türkiyə onları terrorçu hesab edir və PKK ilə bağlı olduqlarını bildirir.
Afrin uğrunda döyüşlərdə Türkiyəyə sadiq suriyalı üsyançılar da iştirak edir.
Bir müddət əvvəl kürd yaraqlılar Suriya ordusu ilə danışıqlar aparmağa və Suriya hökumət qüvvələrinin Afrinə girməsinə çalışırdılar. Amma bu, baş tutmamışdı.
Türkiyə ordusunun atəşi qarşısında hökumətyönlü qüvvələr geri çəkilmişdi.
Kürd yaraqlılar münaqişə başlanandan bəri Suriya prezidenti Bəşər Əsədə qarşı vuruşurdular.
Buna da bax: Əhalinin Afrinin mərkəzini tərk etdiyi xəbər verilir