Keçid linkləri

2024, 29 Mart, Cümə, Bakı vaxtı 12:26

Bəşir Səfəroğlu 90 illiyində məzarı başında anıldı


Bəşir Səfəroğlunun məzarı
Bəşir Səfəroğlunun məzarı

-
Martın 11-də Azərbaycan milli kino və teatr səhnəsində təkrarolunmaz obrazlar yaratmış görkəmli sənətkar, Xalq artisti Bəşir Səfəroğlunun anadan olmasından 90 il ötür.

Mədəniyyət və Turizm Nazirliyinin yaydığı xəbərə görə, martın 11-də nazir müavini Ədalət Vəliyev, mədəniyyət və incəsənət xadimləri Fəxri xiyabana gələrək sənətkarın məzarını ziyarət ediblər.

Ədalət Vəliyev Bəşir Səfəroğlunun 90 illik yubileyi ilə bağlı bir sıra tədbirlərin planlaşdırıldığını diqqətə çatdırıb, görkəmli aktyorun sənətinin bu gün də yaşadığını, onun yadigarı Afaq Bəşirqızının atasının sənət yolunu şərəflə davam etdirdiyini vurğulayıb.

Çıxışlardan sonra Afaq Bəşirqızı atasının xatirəsinə göstərilən hörmət və ehtirama görə hər kəsə dərin minnətdarlığını bildirib: "Bəşir Səfəroğlu Tanrının ona verdiyi böyük istedadla, yaratdığı obrazları ilə daim yaşayacaq. O, 44 yaşında dünyadan getdi, amma indi onun 90 yaşını qeyd edirik. Bəşir Səfəroğlu mənim üçün həmişə gəncdir və bu həmişə belə qalacaq".

Sonda böyük aktyorun xatirəsi alqışlarla yad olunub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG