Keçid linkləri

Təcili xəbərlər
2018, 20 Aprel, Cümə, Bakı vaxtı 18:06

Valideynlər uşaqlarına mənfi qəhrəmanın adını niyə qoyurlar?


"Ulduz müharibələri" filmindəki Kylo Ren

“Ulduz müharibələri” serialı artıq xeyli vaxtdır ki, dünyanın mədəniyyət fenomeninə çevrilib və bir çox valideynlər uşaqları üçün adları bu filmdən seçirlər.

Amma bu filmin mənfi qəhrəmanı, bədheybət qatil Kylo-nun (Kaylo) ABŞ-da ən sürətlə populyarlaşan oğlan adına çevrilməsi təəccüb doğurandır.

Amerikanın Sosial Təminat İdarəsinin illik adlar siyahısında Adam Driver-in oynadığı bu obrazın adı birdən-birə 2368 pillə qalxaraq 901-ci yeri tutub. 2015-ci ildə Kylo adı yalnız 3269-cu yerdə idi.

Amma valideynlərə ad seçməkdə kömək edən BabynameWizard.com saytının təsisçisi Laura Wattenberg Associate Press agentliyinə bundan təəccüblənmədiyini deyib.

O bildirib ki, zəmanəmizin valideynləri uşaqlaırna müsbət qəhrəmanların deyil, mənfi qəhrəmanların adlarını daha çox verirlər.

Bu qəbildən olan başqa populyar adlar Rocky (Creed) filmindəki Creed, Adonis və Zayn-dır.

Ola bilsin bu sonuncu ada məşhurluğu One Direction qrupunun müğənnisi Zayn Malik qazandırıb.

Kehlani Parrish
Kehlani Parrish

Qız adları arasında sürətlə populyarlaşan ad Kehlanidir. Ekspertlər inanırlar ki, valideynləri bu adı seçməyə R&B Amerika qrupunun bəstəkar-müğənnisi Kehlani Parrish həvəsləndirir.

Kehlani adı 2487 pillə qalxaraq 872-ci populyar qız adı olub.

Ekspertlər bunu da proqnozlaşdırırlar ki, Kylo adı hələ daha da populyar olacaq, çünki bu ilin dekabrında “Ulduz müharibələri” silsiləsinin 8-ci seriyasında da Driver oynayacaq.

Associated Press yazır ki, indi uşaq adlarının ümumi çeşidi sürətlə artır və adlar heç də çox sayda uşağı əhatə etmir.

Məsələn, 2016-cı ildə ən populyar oğlan adı Noah (Nuh) olub. Bu adı 19 min uşağa veriblər.

Halbuki 1966-cı ildə Michael adını 80 min uşağa qoymuşdular.

Günün bütün mövzuları

XS
SM
MD
LG