«AzərTAc» xəbər verir ki, martın 20-də Avropa Şurası Parlament Assambleyasının (AŞ PA) Miqrasiya, Qaçqınlar və Əhali Komitəsinin iclası işinə başlayıb. Tədbirdə Azərbaycanı Milli Məclisin deputatları Gültəkin Hacıyeva və Aydın Mirzəzadə təmsil edir.
İki gün davam edəcək iclasda türkiyəli miqrantların Avropada vəziyyəti, Cənubi Qafqaz respublikalarında itkin düşmüş şəxslər, qaçqınlar, miqrantlar və sığınacaq axtaran şəxslərlə bağlı məsələlərin mətbuatda işıqlandırılması və digər mövzular ətrafında fikir mübadiləsi aparılacaq.