Keçid linkləri

2024, 28 Mart, Cümə axşamı, Bakı vaxtı 17:46

Okruaşvilinin tərəfdaşı həbs olunub


İrakli Okruaşvilini sentyabrın 27-də öz partiyasının ofisində tutublar
İrakli Okruaşvilini sentyabrın 27-də öz partiyasının ofisində tutublar

Poti şəhərində Gürcüstan polisi «Vahid Gürcüstan Uğrunda» Hərəkatın regional bölməsinin rəhbəri Malxaz Bukiyanı həbs edib. Həmin hərəkata korrupsiya ittihamı ilə həbs olunmuş sabiq Müdafiə naziri İrakli Okruaşvili rəhbərlik edir.


Hüquq-mühafizə orqanları bildirir ki, Bukiya yalnız siyasi motivlərlə «pərdələnir», əslində isə, o, «narkoman»dır. Onun üzərindən narkotik tapıldığı xəbər verilir. Bukiyanın vəkili isə deyir ki, həbləri gizlicə polis atıb.


Eyni zamanda, naməlum şəxslər «Saakaşvilinin İstefası Uğrunda Ümummilli Hərəkat» birliyinə daxil olan «Azadlıq» partiyasının ofisinə hücum ediblər. Ofisdə pəncərələr və mebel sındırılıb.


İrakli Okruaşvilinin vəkili Eka Beseliya jurnalistlərə deyib ki, hökumət Okruaşvilinin keçmiş müavini-general Levan Nikoleişvilini də həbs etməyi planlaşdırır. Müdafiə Nazirliyinin ordunun təchizatına cavabdeh olmuş bütün yüksək rütbəli məmurları isə axtarışa verilib.


Hökumət tanınmış biznesmen Badri Patarkatsişvilini isə Rusiyaya ekstradisiya etməyəcək. Hakim «Vahid Milli Hərəkat» Partiyasının liderlərindən biri Qiqa Bokeriya bu barədə şayiələri təkzib edib. Patarkatsişvili müxalifət və Okruaşvilini müdafiə edir. O, Boris Berezovskinin keçmiş tərəfdaşıdır.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG