Keçid linkləri

Təcili xəbərlər
2020, 23 Oktyabr, Cümə, Bakı vaxtı 03:34

Canlı 20 kəndin və bir qəsəbinin azad edildiyi açıqlanıb


Qarabağda döyüşlər

Azərbaycan və Ermənistan silahlı qüvvələrinin təmas xəttində sentyabrın 27-dən ağır döyüşlərin getdiyi bildirilir. Hər iki tərəfdən itkilər olduğu deyilir. Azərbaycan açıqlayıb ki, son günlər 110 civarında kəndi, Cəbrayıl, Füzuli, Zəngilan şəhərlərini, Hadrut və Mincivan qəsəbələrini işğaldan azad edib.

Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.

Oktyabrın 1-də bu qurumun həmsədr ölkələrinin liderləri birgə bəyanat yayaraq tərəfləri hərbi əməliyyatları dayandırıb, ilkin şərtsiz sülh danışıqlarını bərpa etməyə çağırıb.

19:01

20 kəndin və bir qəsəbinin azad edildiyi açıqlanıb

Azərbaycan ordusunun Zəngilan rayonunun 13 kəndini və Ağbənd qəsəbəsini də işğaldan azad etdiyi deyilir.

Bu barədə də Azərbaycan prezidenti özünün Twitter səhifəsində növbəti paylaşım edib:

“Müzəffər Azərbaycan Ordusu Zəngilan rayonunun Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad etmişdir...”

Prezident habelə qeyd edib ki, Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu.

Bundan bir qədər əvvəl isə prezident oktyabrın 22-də Azərbaycan ordusunun Füzuli rayonunun 3, Cəbrayıl rayonunun isə 4 kəndini işğaldan azad etdiyi açıqlanıb.

18:52

7 kəndin də işğaldan azad edildiyi bildirilir

Azərbaycan ordusunun Füzuli rayonunun 3, Cəbrayıl rayonunun isə 4 kəndini işğaldan azad etdiyi açıqlanıb.

Bu barədə Azərbaycan prezidenti İlham Əliyev özünün rəsmi Twitter səhifəsində bildirib:

“Müzəffər Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstalıbəyli, Dərzili kəndlərini işğaldan azad etmişdir…”

16:24
Dağılmış evində piano çalan gəncəli: 'Dərdlərimi unuduram'
Gözlə

No media source currently available

0:00 0:01:32 0:00

12:32

Qəbələ sakininin yaralandığı bildirilir

Ermənistan ordusunun Qəbələyə raket atması nəticəsində 1 mülki şəxsin yaralandığı, 5 evə ciddi ziyan dəydiyi bildirilir.

Bu barədə oktyabrın 22-də Azərbaycan Baş Prokurorluğu məlumat yayıb.

Məlumata görə, oktyabrın 22-si, səhər saatlarından başlayaraq Ermənistan silahlı birləşmələri cəbhə zonasından 150 km-dən artıq uzaqlıqda yerləşən Azərbaycanın Qəbələ, Kürdəmir və Siyəzən rayonlarına "Skad" ballistik taktiki raketlər atıb: "Raket zərbələri nəticəsində Qəbələ rayon sakini, 2003-cü il təvəllüdlü Əmirbəyov Murad Ceyhun oğlu müxtəlif dərəcəli bədən xəsarətləri alıb, kənd ərazisində yerləşən 5 yaşayış evinə ciddi ziyan dəyib".

Həmçinin, Abşeron yarımadasını içməli su ilə təchiz edən Oğuz-Qəbələ-Bakı su kəmərinin də hədəfə alındığı vurğulanır: "Lakin ordumuzun hava hücumundan müdafiə qüvvələrinin zərərsizləşdirilməsi nəticəsində raketin hissələri su kəmərinin yaxınlığına düşüb".

Davamı

XS
SM
MD
LG