Keçid linkləri

Təcili xəbərlər
2020, 07 Avqust, Cümə, Bakı vaxtı 07:23

Massaçusets Texnologiya İnstitutu dünya birincisidir


Massaçusets Texnologiya İnstitutu

İyunun 9-da “QS Dünya Universitetləri Reytinqi 2021” açıqlanıb. Bu reytinqdə dünyanın ən nüfuzlu 1029 universiteti yer alıb. 2021-ci il üzrə tam hesabat iyunun 16-da açıqlanacaq.

Reytinq hər bir təhsil ocağını altı parametr üzrə dəyərləndirir. Bu sıraya onun akademiklər və işçilər arasında nüfuzu da daxildir.

QS Dünya Universitetləri Reytinqində ilk onluqda bu təhsil ocaqları yer alıb:

  1. Massaçusets Texnologiya İnstitutu (MIT)
  2. Stenford Universiteti
  3. Harvard Universiteti
  4. Kaliforniya Texnologiya İnstitutu (Caltech)
  5. Oksford Universiteti
  6. ETH Sürix (İsveçrə Federal Texnologiya İnstitutu)
  7. Kembric Universiteti
  8. London İmperial Kolleci
  9. Çikaqo Universiteti
  10. UCL (London Universitet Kolleci)

Azərbaycandan reytinqə hansısa təhsil ocağının adı düşməyib.

Qonşu Gürcüstandan isə Ivane Javakhishvili adına Tbilisi Dövlət Universiteti 601-650-ci yerlərdə qərarlaşıb.

Rusiyadan Lomonosov Moskva Dövlət Universiteti 74-cü, Belarus Dövlət Universiteti 317-ci, İrandakı Şarif Texnologiya Universiteti 409-cu, Ukraynadakı V.N. Karazin adına Xarkov Milli Universiteti isə 477-ci yerdədir.

Çexiyadakı Çarlz Universiteti reytinqdə 260-cı pillədədir.

Türkiyədən reytinqə 9 universitet düşüb. Koç Universiteti 465, Sabancı Universiteti 521-530, Bilkent Universiteti 551-560-cı yerlər arasındadır.

XS
SM
MD
LG