Keçid linkləri

Təcili xəbərlər
2018, 23 May, çərşənbə, Bakı vaxtı 17:02

Nemət Pənahlının məhkəməsi başqa vaxta keçirilib


Nemət Pənahlı

Milli Dövlətçilik Partiyasının sədri Nemət Pənahlının yol hərəkəti qaydalarını pozmasına görə cərimələri ödəməməsi iddiası ilə bağlı məhkəmə iclasının qeyri-müəyyən vaxta təxirə salındığı bildirilir.

Nemət Pənahlının özünün bildirməsinə görə, bu qərarı fevralın 14-də Nəsimi Rayon Məhkəməsi çıxarıb.

Partiya sədrinin deməsinə görə, qısa məhkəmə iclası onun iştirakı olmadan keçirilib. N.Pənahlı məhkəməyə çağırılıb, amma iclas zalına buraxılmadığını söyləyir.

O, cərimələri ödəməkdən imtina edir. Partiya sədri bildirir ki, cərimələr barədə bildiriş çox sonra gəlib və qayda pozuntularının elektron qeydiyyatı sisteminə vaxtında daxil edilməyib.

Buna da bax: Fuad Əhmədli: 'Susmadım, savaşdım, şərləndim və girovam!' [video]

"Bu məhkəmə işi siyasi məqsəd daşıyır və mənim vətəndaş fəallığımın məhdudlaşdırılmasına yönəlib", - N.Pənahlı bildirib.

Nemət Pənahlı həmçinin vurğulayıb ki, cərimələrin dəqiq məbləği ona bəlli deyil.

Partiya sədrinin bu açıqlamasına, hələlik, cavabdeh rəsmi qurumlardan və Nəsimi Rayon Məhkəməsindən münasibət almaq mümkün olmayıb.

Buna da bax: Çingiz Abdullayev: 'Tarixdə o qalacaq ki, hansısa vicdansız öz ziyalılarını təhqir edib, söyüb'

Xatırlatma

Nemət Pənahlı 1988-ci ildə Bakının Azadlıq (o vaxtkı Lenin) meydanında keçirilən nümayişlərin aparıcısı olub.

O, 2011-ci il yanvarın 8-də tutulub, xuliqanlıq və qəsdən sağlamlığa az ağır zərər vurma ittihamı ilə 6 il azadlıqdan məhrum edilmişdi. İttihamları isə qəbul etmir, bunu siyasi sifariş sayırdı.

Nemət Pənahlı hazırda azadlıqdadır. O, 2016-cı il martın 17-də prezidentim verdiyi əfv fərmanı ilə vaxtından əvvəl azadlığa çıxıb.

Günün bütün mövzuları

XS
SM
MD
LG