Keçid linkləri

Təcili xəbərlər
2018, 20 İyul, Cümə, Bakı vaxtı 22:37

Müxalifətçinin qardaşının qətlində şübhəli saxlanıb


Ulan Salyanov-un evi

Qırğızıstanın keçmiş baş prokuroru, hazırda müxalifətçi olan Aida Salyanova-nın qardaşının qətlində şübhəli bilinən şəxs saxlanıb.

Ölkənin Daxili İşlər Nazirliyi dekabrın 28-də bildirib ki, 31 yaşlı şübhəli ekspertizadan sonra saxlanıb. Onun istifadəsində olan Makarov tapançasının Salyanova-nın 42 yaşlı qardaşı Ulan Salyanov-un öldürülməsində istifadə olunduğu müəyyənləşib. Salyanov noyabrın əvvəlində qətlə yetirilmişdi.

Şübhəlinin adı açıqlanmayıb.

Daxili İşlər Nazirliyi noyabrın 6-da bildirmişdi ki, bir neçə silahlı Salyanov-un evinə girərək onu güllələyiblər. Nazirlik qətldə siyasi motivi istisna edirdi.

Qətldən cəmi bircə ay öncə Bişkekdə məhkəmə Salyanova-nı vəzifəsindən sui-istifadədə təqsirli bilib. O, beş illik həbsə məhkum edilib. Ancaq 2 yaşlı qızı 14 yaşına çatanadək cəzası ertələnib.

Müxalifətin Ata-Meken partiyasının aparıcı üzvü olan Salyanova təqsirsiz olduğunu deyir, işi siyasi motivli adlandırır.

Günün bütün mövzuları

XS
SM
MD
LG