Rusiya prezidenti Vladimir Putin bəyan edib ki, o 2018-ci ildə keçiriləcək seçkidə yeni 6 illik müddətə prezidentliyə namizədliyini irəli sürəcək.
Putin dekabrın 6-da Nijnı Novqorod şəhərində deyib: “Bəli, Mən Rusiya Federasiyası prezidentinin postu uğrunda seçkidə iştirak edəcəyəm”.
***
Bundan əvvəl Rusiya prezidenti Vladimir Putin gələn ilin martında prezident seçkisinə gedəcəyinə güclü eyham vurmuş və qərarını tezliklə açıqlayacağını bildirmişdi.
Putin dekabrın 6-da könüllü qrupların mükafatlandırılması mərasimində çıxış edib.
Aparıcı ondan seçkiyə gedib-getməyəciyini soruşub. Putin cavabında soruşub ki, gənc izləyicilər və onlar kimi digərləri onun namizədliyini dəstəkləyərmi.
“Bəli” qışqırıqlarından sonra Putin deyib: “Bu halda, cəmiyyətin dəstəyini nəzərə alaraq yaxın gələcəkdə qərar veriləcək”.
Tədbir dövlət televiziyasıyla canlı yayımlanıb.
1999-cu ildən prezident, yaxud baş nazir postunu tutmuş Putin-in mart seçkisinə gedəcəyi gözlənir.
Onun populyarlığı, hakimiyyətin bütün qollarına nəzarəti və illərlə narazıları susdurması, siyasi opponentlərini sıxışdırması seçkidə qələbəsini təmin edə bilər.
Ancaq Putin 2024-cü ildə prezidentliyə beşinci dəfə namizəd ola bilməyəcək, konstitusiya buna imkan vermir.
