Keçid linkləri

2017, 19 Noyabr, bazar, Bakı vaxtı 18:03

Erdogan Rusiyadan raket sistemləri almaq niyyətində qalır


Recep Tayyip Erdogan (solda) və Vladimir Putin Soçidə

Türkiyə prezidenti Recep Tayyip Erdogan ölkəsinin Rusiyadan raketdən müdafiə sistemi almaq niyyətini təsdiqləyib. Qeyd edək ki, Ankaranın NATO-dakı müttəfiqləri bu sövdələşmədən narahatdırlar.

Türkiyəylə Rusiyanın müdafiə sahəsində atacağı birgə addımlara böyük əhəmiyyət veririk”, – Erdogan noyabrın 13-də Soçidə rusiyalı həmkarı Vladimir Putin-lə bir neçə saatlıq danışıqlardan sonra deyib.

Türkiyə bu yaxınlarda Rusiyadan S-400 yer-hava tipli raket sistemi almağa razılaşıb. NATO müttəfiqləri bunu xoş qarşılamayıb, bu silahın NATO sisteminə inteqrasiya oluna bilmədiyini əsas gətiriblər.

Türkiyə 2 milyard dollarlıq raket sövdələşməsini təsdiqləsə də, sistemləri əldə etməyi iki il çəkə bilər.

Rusiyadan silah almaq Ankaranı ABŞ-ın bu yaxınlarda Rusiyanın müdafiə sənayesinə qarşı elan etdiyi sanksiyalara məruz qoya bilər. Ancaq Pentaqon rəsmiləri deyiblər ki, bu sonucdan yaxa qurtarmaq üçün Ankarayla danışıqlar aparılır.

*** Buna da bax: Putin deyir ki, Türkiyə ilə münasibətlər 'tam bərpa' olunub

SURİYADAN DA DANIŞIBLAR

Erdogan-la Putin “məhsuldar” görüş keçirdiklərini, Suriyadakı münaqişəni bitirməyə yönəlik cəhdləri götür-qoy etdiklərini deyiblər. Bu münaqişədə Rusiyayla Türkiyə fərqli tərəfləri dəstəkləyirlər, ancaq Qazaxıstanda sülh danışıqlarına birgə təşkilatçılıq edirlər.

“Türkiyə və İranla birgə işimiz konkret nəticələr verib. Zorakılıq azalıb, BMT-nin himayəsi altında suriyadaxili dialoqu irəlilətməyə əlverişli şərait yaranıb”, – Putin deyib.

Məlumatlara görə, Putin Erdogan-a ötən həftəsonu Asiyada ABŞ prezidenti Donald Trump-la əldə etdiyi razılaşma barədə məlumat verib. Dediyinə görə, tərəflər uzun müddətdən bəri dayanmış BMT sülh danışıqlarını canlandırmaq öhdəliyi götürüblər.

Erdogan-la görüşdən sonra Putin deyib: “Suriyada uzunmüddətli sabitliyin təmin olunması cəhdlərini gücləndirməyin, siyasi həll prosesini irəlilətməyin vacibliyi fikrini paylaşırıq”.

“Bizə siyasi prosesə fokuslanmağa imkan verən bazanın artıq yaranması fikriylə razıyıq”, – Erdogan deyib.

Bu arada ABŞ müdafiə naziri Jim Mattis bildirib ki, Birləşmiş Ştatlar Suriyada İslam Dövləti (İŞİD) ekstremist qrupuyla mübarizəni, BMT-nin sülh prosesi canlananadək davam etdirəcək.

“Cenevrə prosesi işə düşənədək kənara çəkilmək fikrimiz yoxdur”, – o deyib.

Günün bütün mövzuları

XS
SM
MD
LG