-
Yaponiyada oktyabrın 22-də keçirilmiş ümumi seçkinin ilkin qeyri-rəsmi nəticələrinə görə, baş nazir Shinzo Abe-nin hakim koalisiyası qələbə qazanıb.
Hakim koalisiyanın parlamentin 465 yerlik aşağı palatasında 312 yeri qazandığı bildirilir.
Yekun nəticələrin oktyabrın 23-də axşam saatlarında açıqlanacağı gözlənir.
Təsdiqlənərsə, bu böyük qələbə Abe-nin gələn sentyabrda daha üç illiyə Liberal Demokratik Partiyanın lideri seçilmək, 2021-ci ilədək baş nazir qalmaq şanslarını artırır.
2012-ci ildə hakimiyyətə gələn Abe seçkini bir il tez keçirib.
Onun hakim koalisiyası parlamentin yuxarı palatasında üçdə iki çoxluğa malikdir, aşağı palatada isə mövqeyi daha zəif idi.