Bu gün UEFA Çempionlar Liqasında 3-cü turun matçında Azərbaycanın Qarabağ və İspaniyanın Atletico klublarının qarşılaşmasında hesab açılmayıb.
Belə nəticə Madrid futbolçularını məyus etsə də, Qarabağ klubu bu turnirdə ilk xalını qazanıb.
İspaniyanın idman saytları yazır ki, Bakıda itirlən xal Atletico klubunun zirvəyə yüksəlişində ciddi manea yaradacaq.
Madridlilərin hazırda 2 xalı var.
Gərgin keçən matçda Qarabağ futbolçuları ehtiyatlı, lakin maraqlı oyun nümayiş etdiriblər.
İkinci hissənin sonlarına yaxın Qarabağ futbolçusu Ndlovu qırmızı kart alıb. Bundan sonra tam 18 dəqiqə ərzində Qarabağ mübarizəni 10 futbolçu ilə davam etdirib.
Qapıçı Sehic oyun boyunca çox sayda təhlükəli vəziyyətlərin qarşısını alıb.
Artırılmış vaxtın son dəqiqəsində Atletico klubuna verilmiş cərimə zərbəsi də ispanlara uğur gətirməyib.
0-0 hesabı ilə bitən oyunu "Qarabağ" 10 nəfərlə başa vurub.
Qol.az saytı bunu "sensasiya" kimi qiymətləndirib.
"Qarabağ" ilk iki oyunda "Çelsi" və "Roma" komandalarına uduzub.