Keçid linkləri

Təcili xəbərlər
2018, 17 Avqust, Cümə, Bakı vaxtı 07:19

Hakim partiya bələdiyyə seçkilərində önə çıxır


Makedoniyada seçkilər

Makedoniyada hakim Sosial Demokratlar (SDSM) oktyabrın 15-də keçirilən bələdiyyə seçkilərində qalib gəldiklərini bildirir. Bu partiya ölkənin NATO və Avropa Birliyi üzvlüyünə çalışır.

Baş nazir Zoran Zaev-in SDSM partiyası oktyabrın 16-da bildirib ki, səsvermənin birinci raundunda ölkədəki 81 bələdiyyədən 40-dan çoxunda qalib gəlib. Partiya bunu «demokratiyanın qələbəsi» adlandırıb, paytaxt Skopyedə tərəfdarları şənliklər keçirib.

«Səsvermə azad, dinc, təzyiqsiz keçəndə Makedoniya belə görünür», – Zaev tədbirlərdə deyib.

Elə ilkin nəticələr də SDSM-in iddialarını təsdiqləyib. 3 min 480 seçki məntəqəsinin 30 faizindən gələn nəticələrə görə, SDSM koalisiyası 44 bələdiyyədə önə çıxıb. Buraya Skopye bələdiyyəsi də daxildir.

Müxalifətin millətçi VMRO-DPMNE partiyası isə 13 bələdiyyədə liderlik edir.

Yekun nəticələr oktyabrın 16-da açıqlanacaq, seçkinin ikinci raundu oktyabrın 29-da olacaq.

Günün bütün mövzuları

XS
SM
MD
LG