Keçid linkləri

Təcili xəbərlər
2018, 21 Avqust, çərşənbə axşamı, Bakı vaxtı 18:05

Müdafiə naziri Tacikistana gedib


Arxiv fotosu

Müdafiə naziri Zakir Həsənov Tacikistana səfər edib.

O, Müstəqil Dövlətlər Birliyinin Müdafiə Nazirləri Şurasının Düşənbədə keçiriləcək toplantısına qatılacaq.

Bu haqda Müdafiə Nazirliyinin mətbuat xidməti xəbər verir.

Buna da bax: Müdafiə naziri Belarusda

Məlumata görə, toplantı sabah, oktyabrın 12-də baş tutacaq.

Müstəqil Dövlətlər Birliyinin Müdafiə Nazirləri Şurasının toplantısında əməkdaşlıq, regional təhlükəsizlik və başqa məsələlərin müzakirəsi gözlənir.

Xatırlatma

Müstəqil Dövlətlər Birliyi – Baltikyanı ölkələri çıxmaqla keçmiş SSRİ respublikasının əksəriyyətinin birləşdiyi dövlətlərarası birlikdir.

Təşkilat, SSRİ-nin süqutundan sonra, 1991-ci il dekabrın 8-də yaradılıb.

Buna da bax: Azərbaycan müdafiə naziri İsraildə

Azərbaycan 1991-ci ildən bu qurumla əməkdaşlıq edir.

Ölkə parlamenti MDB-yə üzv olmaq haqqında qərarı yalnız, keçmiş prezident Heydər Əliyev hakimiyyətə gəldikdən sonra, 1993-cü ilin sentyabrında ratifikasiya edib. Bununla Azərbaycan MDB-nin tam hüquqlu üzvü olub.

Rusiya qoşunlarının 2008-ci ildə Gürcüstan ərazisinə daxil olmasından sonra Gürcüstan bu qurumdan çıxıb.

Günün bütün mövzuları

XS
SM
MD
LG