Keçid linkləri

Təcili xəbərlər
2018, 15 Noyabr, Cümə axşamı, Bakı vaxtı 20:37

Çin hakimiyyəti ölkədəki bütün Şimali Koreya şirkətlərini bağlayır


Foto arxiv

Çin hakimiyyəti ölkədəki bütün Şimali Koreya şirkətlərinin 4 ay ərzində bağlanmasını göstəriş verib.

Şimali Koreya ilə xaricdəki birgə şirkətlərin fəaliyyəti də dayandırılacaq.

Bu barədə sentyabrın 28-də Reuters agentliyi məlumat yayıb.

Çinin xarici ticarət nazirliyi bunun BMT-nin Şimali Koreyaya qarşı tətbiq etdiyi sanksiyalarla bağlı olduğunu bəyan edib.

Çin hakimiyyəti ötən həftə Şimali Koreya ilə ticarət əlaqələrinin ixtisar edildiyini bəyan eləmişdi.

Qeyd edək ki, Çin Şimali Koreya rejiminin əsas ticarət tərəfdaşıdır.

Çin dekabrın ortalarında bu ölkədən tekstil idxalını da dayandıracaq.

Həmçinin Şimali Koreyaya qaz kondensatı və mayeləşdirilmiş təbii qaz ixracı da əhəmiyyətli dərəcədə azaldılacaq.

BMT-nin təhlükəsizlik şurası sentyabrın 12-də Şimali Koreyaya qarşı yeni ticarət sanksiyaları tətbiq edib.

Çin də bu sanksiyaları dəstəkləyib.

Sanksiyalara səbəb Şimali Koreyanın yeni nüvə və raket sınaqları keçirməsi olub.

Günün bütün mövzuları

XS
SM
MD
LG