Keçid linkləri

Təcili xəbərlər
2021, 26 Sentyabr, bazar, Bakı vaxtı 13:59

Dünya xəbərləri

Nemtsovun xatirə lövhəsi yaşadığı binadan götürülüb

Boris Nemtsovun xatirə lovhəsi, Moskva ,7 sentyabr, 2017

Mərhum müxalif siyasətçi Boris Nemtsovun xatirə lövhəsi Moskvada yaşadığı binadan götürülüb.

Qazeta.ru saytının mıəlumatına görə, bu barədə sentyabrın 12-də fəal Tatyana Toxonoviç özünün “Feysbuk” səhifəsində yazıb.

Kremlpərəst radikal “SERB” hərəkatının lideri Gosha Tarasevich (İgor Beketov) “BKontakte” də yazıb ki, xatirə lovhəsini bu qrupun üzvləri söküb.

Onun sözlərinə görə, hərəkatın fəalları həmçinin polisə qanunsuz lövhə asanların cəzalandırılması tələbilə məktub göndəriblər.

Xatirə lövhəsi Nemtsovun yaşadığı evə sentyabrın 7-də qoyulubmuş.

Amma Moskva rəhbərliyi bir qədər sonra bunun qanunsuz olduğunu bəyan edib.

Boris Nemtsov 2015-ci ilin fevralında Moskvanın mərkəzində güllələnib.

O, Kremlin, xüsusilə də president Vladimir Putinin sərt tənqidçilərindən idi.

Bütün xəbərləri izləyin

Ərdoğanın Krımla bağlı fikirlərindən sonra Rusiyada Türkiyə pomidorlarında virus aşkarlanıb

Ümumi– Pomidor embarqosu

Rusiyanın Baytarlıq və Fitosanitar Nəzarəti Federal Xidməti (Rosselxoznadzor), Türkiyədən gələn meyvələrdə qəhvəyi monilious çürük, pomidorda isə qəhvəyi qırış virusu tapıldığını açıqlayıb.

Məlumata görə, sentyabrın 23 -də şöbə işçiləri Türkiyənin Kənd Təsərrüfatı və Meşə Nazirliyi Qida və Nəzarət Baş İdarəsi ilə danışıqlar aparıb.

Rusiya hakimiyyəti "nəzarətin gücləndirilməsi və məhsulların fitosanitar təhlükəsizliyinin təmin edilməsi üçün tədbirlər görülməsini" istəyib.

Rosselxoznadzor, Türkiyədən gələn tərəvəz və meyvələrdə pestisidlərin artan səviyyəsini qeyd etməyə davam etdiyini də bildirib.

AzadalıqRadiosunun Rus xidməti çirklənmiş türk pomidorları haqqında məlumatların Rusiya və Türkiyə liderlərinin görüşündən bir neçə gün əvvəl ortaya çıxdığını vurğulayır.

Sentyabrın 29 -da Soçidə Vladimir Putin və Rəcəb Ərdoğan arasında danışıqlar keçiriləcək.

Türkiyə prezidenti danışıqların mövzusunun Suriyadakı vəziyyət və ikitərəfli əlaqələr olacağını bildirib.

Sentyabrın 22 -də Nyu -Yorkda BMT Baş Assambleyasında çıxış edən Ərdoğan, Türkiyənin Ukraynanın ərazi bütövlüyünün qorunmasının tərəfdarı olduğunu və Krımın ilhaqını heç vaxt tanımayacağını söyləyib.

Sentyabrın 20 -də Türkiyə Xarici İşlər Nazirliyi Krımda Dövlət Dumasına keçirilən seçkilərin nəticələrini tanımadığını açıqlayıb, çünki Ankara yarımadanın Rusiyaya birləşdirilməsini qanunsuz hesab edir.

Rusiya bu tədbiri xarici siyasət aləti olaraq istifadə edərək müxtəlif ölkələrdən ölkəyə məhsul idxalını dəfələrlə dayandırıb.

Belə ki, 2014 -cü ildə Avropa Birliyi Krımın ilhaqına görə Rusiyaya qarşı sanksiyalar tətbiq edib. Buna cavab olaraq Rusiya ərzaq embarqosu tətbiq edərək bu ölkələrdən bəzi məhsulların tədarükünü qadağan edib.

Siyahıya meyvə, tərəvəz, süd və ət məhsulları daxildir. Sanksiyalar bir il müddətinə tətbiq edilib, lakin o vaxtdan bəri dəfələrlə uzadılıb və hələ də qüvvədədir.

2016 -cı ildə Rusiya Türkiyədən bəzi meyvə -tərəvəz növlərinin idxalını qadağan edib. Bu, Türkiyənin F-16 qırıcı təyyarəsinin 2015-ci ilin 24 noyabrında Suriya-Türkiyə sərhədi yaxınlığında Rusiyaya məxsus Su-24 bombardmançısını vurmasından sonra baş verib.

Elbrusda 5 alpinist həlak olub

Xilasetmə əməliyyatı

19 alpinist 5 min metr yüksəkliyə qalxıbmış

Avropanın ən yüksək zirvəsi sayılan Rusiyanın Elbrus dağında beş alpinist boranda həlak olub.

Qrupun 14 üzvü xilas edilib. Fövqəladə Hallar Nazirliyi ərazidə temperaturun mənfi 20 dərəcə olduğunu bildirib.

Xilas edilənlərin 11-i xəstəxanaya aparılıb.

Hadisə sentyabrın 23-də baş verib. 19 alpinist 5 min metr yüksəkliyə qalxıbmış.

Rusiyanın Şimali Qafqaz ərazisində yerləşən Elbrusun pik zirvəsi 5 min 642 metrdir.

Alpinistlər Rusiyanın 11 regionunu təmsil edirmiş.

Turu təşkil edən şirkət peşəkar bələdçilərin qrupu müşayiət etdiyini bildirib.

Şirkətin məlumatına görə, alpinistlərin biri özünü yaxşı hiss etməyib və bələdçilərdən birilə geri qayıdıb, qalanları isə səyahəti davam etdirib.

Onlar geri qayıdarkən tufan başlayıb, alpinistlərdən birinin qıçı sınıb, beləliklə, qrup da ləngiyib.

İki alpinist donvurmadan ölüb, ikisi isə huşunu itirib, bələdçilər və qalan alpinistlərdən bəzilərini də şaxta vurduğu bildirilir.

Təyyarədəki 6 nəfərin öldüyü güman edilir

An-26 təyyarəsi, arxiv fotosu

Rəsmilər küləyin və sərt relyefin vertolyotun enməsinə imkan vermədiyini deyir.

Rusiyanın Xabarovsk Uzaq Şərq regionunda qəzaya uğramış təyyarədəki altı nəfərin hamısının öldüyü güman edilir. Təyyarənin düşdüyü yeri ərazi üzərində uçuş həyata keçirən axtarış komandası aşkarlayıb.

Qəza yeri sentyabrın 23-də müəyyənləşdirilib. Antonov An-26 təyyarəsi bir gün öncə texniki uçuş zamanı itkin düşüb.

Rəsmilər küləyin və sərt relyefin vertolyotun enməsinə imkan vermədiyini deyir. Əraziyə xilasedicilər göndərilib.

TASS və İnterfaks fövqəladə xidmətdəki mənbələrə istinadla “heç kəsin sağ qalmadığını” yazır.

Təyyarə Rusiya aeroportlarında texniki yoxlama aparan şirkətə məxsus olub, 42 ildi istismar olunurmuş.

An-26 mülki və hərbi nəqliyyat təyyarəsi 1969-1986-cı illərdə Sovet İttifaqında dizayn olunaraq hazırlanıb.

Rusiyada köhnəlmiş təyyarələrin uzaq regionlarda qəza etməsi qeyri-adi hal sayılmır.

İyulda Uzaq Şərqdə yerləşən Kamçatka yarımadasında An-26 təyyarəsi qəza edib, 28 nəfər həlak olub.

1977-də pəncərəsinə ‘KQB, İsrailə vizam haradadır?’ yazan fəal vəfat edib

İda Nudel, Ben-Gurion Airportu

İsraildə Sovet Yəhudiləri üçün vətənə qayıtmaq hüququ uğrunda mübarizə aparan fəal İda Nudel 90 yaşında İsraildə vəfat edib. Ida Nudel 27 aprel 1931 -ci ildə Novorossiyskdə anadan olub.

Atası İkinci Dünya Müharibəsində həlak olub. Anası iki qızını təkbaşına böyüdüb. Ailə sonra Moskvaya köçüb. Nudelin SSRİ -dən getmək üçün 1971 -ci ildə etdiyi müraciət rədd edilib. Bu addımına görə işdən çıxarılıb.

O, 1977 -ci ildə Sovet ittifaqını tərk etmək üçün yenidən müraciət edib, amma uzun müddət cavab ala bilməyib. Sonra mənzilinin pəncərəsinə "KQB, İsrailə vizam haradadır?" yazaraq ona mənfi cavab verilməsinə belə etiraz edib.

1978 -ci ildə Nudel xuliqanlıqda günahkar bilinərək dörd il Tomsk bölgəsinə sürgünə göndərilib. Sürgündə olduğu zaman o, yəhudi fəalların təqibi haqqında məlumat toplayaraq xarici hüquq müdafiəçilərinə ötürə bilib. Sürgündən sonra Nudelin Moskvada yaşaması qadağan edilib.

Fəal KQB -nin nəzarəti altında Moldovaya göndərilib. Moldovada olduğu müddətdə Nudel İsrailə getmək hüququ axtarmağa davam edib. 1987 -ci ilin fevralında müsbət cavab vəd edərək ondan yenidən müraciət etməsi istənilib.

Və nəhayət, 15 oktyabr 1987 -ci ildə İna Nudel iti ilə birlikdə amerikalı iş adamı Armand Hammerin şəxsi təyyarəsi ilə İsrailə uçub.

İsraildə Nudel yeni immiqrantlara, xüsusən də tək analara kömək etməyə başlayıb.

Aropa Birliyi ABŞ-ın Avstraliya və İngiltərə ilə ittifaqından narazıdır

ABŞ, Fransız , Belçika və Yapon hərbi gəmiləri, arxiv foto

ABŞ-ın Avropadakı müttəfiqləri Prezident Joe Bidennin Avstraliya və İngiltərə ilə strateji Hind-Sakit okean ittifaqı yaratmaq qərarından narazıdırlar.

Vaşinqtonun planına görə belə bir ittifaq Çinin artan təsirinə qarşı çıxmalıdır. Euronews telekanalının qeyd etdiyi kimi, AB -nin baş diplomatı Josep Borrell Amerikanın bu addımından təəssüfləndiyini bildirib.

Eyni zamanda, Borrell transatlantik əlaqələrin yaxşılaşacağına ümid etdiyini bildirib.

Avropa Şurasının Xarici Əlaqələr üzrə nümayəndəsi Frederik Grar Vaşinqtonun qərarını daha sərt ifadələrlə şərh edib:

"AB-yə Hind-Sakit okeanı bölgəsinin ona heç bir əlaqəsi olmadığını söylədilər" .

2018-ci ildə Fransa Avropa İttifaqında Hind-Sakit Okean Strategiyasını qəbul edən ilk ölkə olub.

Bölgədəki güc balansının dəyişməsinin Fransa üçün "ağır zərbə" olduğu bildirilir. Euronews xüsusilə Parisin Avstraliyaya sualtı gəmilərini satmaq üçün çox milyardlıq bir müqaviləni itirdiyini vurğulayır.

"Amerikanın Səsi"nə görə, əvvəllər Çin və Fransa, ABŞ və İngiltərə arasında Avstraliyanın nüvə sualtı gəmilərinin hazırlanmasına kömək etməsinə dair razılaşmasına qəzəblə reaksiya veriblər.

Bu arada Ağ Ev, Çin və Fransanın ifadə etdiyi narazılığı yumşaltmağa çalışıb. Ağ Evin mətbuat katibi Jen Psaki jurnalistlərə bu əməkdaşlığın üçüncü bir ölkəyə qarşı yönəlmədiyini deyib:

"Dünən elan edilən bu ortaqlığın heç bir ölkə ilə əlaqəsi yoxdur. ABŞ-ın strateji maraqlarını təmin etmək, qaydalara əsaslanan beynəlxalq nizamı qorumaq və Hind-Sakit Okean bölgəsinə sülh və sabitlik gətirmək məqsədi daşıyır. "

ABŞ, İngiltərə və Avstraliya arasındakı razılaşmadan sonra Avstraliya Fransa ilə imzaladığı 43 milyard dollarlıq müqaviləni ləğv edib.

Ötən il dünyada 220-dən çox ətraf mühit fəalı öldürülüb

İspaniyada meşə yanğını

Rekord hücumlar Kolumbiyada baş verib, 2020-ci ildə 65 fəal qətlə yetirilib

“Global Witness” təşkilatı ötən il dünyada 227 torpaq və ətraf mühit fəalının öldürüldüyünü bildirir. Bu, həftəyə ortalama dörd nəfərdən çox ölüm deməkdir.

Rekord hücumlar Kolumbiyada baş verib, 2020-ci ildə 65 fəal qətlə yetirilib. Onlardan üçdə biri yerli və Afrika mənşəli adamlardır, yarısı isə kiçik fermerlərə qarşı çıxırdı.

2020-ci ildə yerli icmalara hücumlar davam edir, ümumi hücumların üçdə biri məhz yerli əhalini hədəfə alıb. Oxşar hücumlar Meksikada, Mərkəzi və Cənubi Amerikada, Filippində, Səudiyyə Ərəbistanı və İndoneziyada qeydə alınıb.

Nikaraquada 2019-cu ildə 5 ətraf mühiti fəalı öldürülmüşdü, ötən il bu rəqəm 12-yə qalxıb.

Fəalların əsasən spesifik ekosistemlərin müdafiəsinə görə hədəfə alındığı bildirilir. Onlardan 70 faizi meşələri səhralaşmadan, sənaye inkişafından qorumağa çalışıb. Qalanları isə çayların, dəniz sahilləri və okeanların mühafizəsi işinə görə qətlə yetirilib.

Afrikada 2019-cu ildə 7, 2020-ci ildə isə 18 qətl qeydə alınıb.

ABŞ Özbəkistana sığınan əfqan hərbi pilotlarını təxliyyə edir

Əfqanıstan pilotları Əfqanıstan Hərbi Hava Qüvvələrinin Kabuldakı bir hərbi hava limanında hazırlıq proqramı zamanı, 11 fevral 2016

Biden administrasiyası Özbəkistana sığınan bir qrup əfqan hərbi pilotlarının ABŞ hərbi bazasına köçürülməsi ilə bağlı Daşkəndlə razılığa gəlib.

Bu barədə Wall Street Journal məlumat yayıb. Jurnal xəbər verir ki, Əfqanıstnı ələ keçirən Taliban Özbəkistana pilotları və onların texnikasını Kabula təhvil vermələri üçün təzyiq göstərir.

Həmin pilotlar Talibandan qorunmaq üçün ötən ay ailələri ilə Əfqanıstan hərbi təyyarələri ilə Özbəkistana uçublar.

ABŞ pilotların ölkələrinə qaytarılacağı təqdirdə öldürülə biləcəyindən qorxur.

Qəzet yazır ki, hərbi pilotlar vaxtilə Talibana qarşı havadan zərbələr endirdiyindən onların haqqında daha ciddi tədbirlərin görülə biləcəyi ehtimalları yüksəkdir.

Məlumata görə, qonşu ölkə ilə münasibətlərin gərginləşməməsi üçün Özbəkistan ABŞ-dan problemi tez bir zamanda həll etməsini istəyib.

Qəzetin yazdığına görə, pilotlar və ailələri - ümumilikdə 585 nəfər - bu həftə sonu Qətərin Doha şəhərindəki ABŞ hərbi bazasına aparılacaq.

Bayden Si ilə danışıb

Co Bayden (solda) və Si Cinpinq, 2013-cü il

Çin-ABŞ münasibətləri illərdir ticarət, kiber-təhlükəsizlik və insan haqlarından dolayı gərgindir

ABŞ Prezidenti Co Bayden son yeddi ayda ilk dəfə çinli həmkarı Si Cinpinqlə telefon söhbəti edib. Dünyanın iki ən böyük iqtisadiyyatının münasibətləri çoxsaylı mübahisələr üzündən normal deyil.

Ağ evin sentyabrın 9-da bildirməsinə görə, iki lider qarşılıqlı maraqların, dəyərlərin və perspektivlərin kəsişdiyi və ayrıldığı sahələri müzakirə ediblər.

Çin-ABŞ münasibətləri illərdir ticarət, kiber-təhlükəsizlik və insan haqlarından dolayı gərgindir.

Birləşmiş Ştatlar Çini koronavirus pandemiyasının mənşəyi məsələsində şəffaf olmamaqda, Tayvanla bağlı, Cənubi Çin dənizində ərazi mübahisələrindən dolayı tənqid edir.

Tərəflərin qarşılıqlı maraq göstərdiyi sahələr də az deyil. Buraya iqlim dəyişikliyi, Koreya yarımadasında nüvə böhranı daxildir.

Ağ evin məlumatına görə, Bayden aydın şəkildə deyib ki, Birləşmiş Ştatlar iki ölkə arasında rəqabəti məsuliyyətlə idarə etmək, “rəqabətin konfliktə çevrilməməsini təmin etmək” istəyir.

Çinin CCTV dövlət televiziyasının sentyabrın 10-da bildirməsinə görə, Si Baydenə deyib ki, ABŞ-ın siyasəti “ciddi çətinliklər” törədib, münasibətlərin düzgün idarə olunması “dünyanın gələcəyi və taleyindən ötrü vacibdir”.

“Çin-ABŞ qarşıdurması hər iki ölkəyə və dünyaya fəlakət gətirəcək”, – Si əlavə edib.

Si tərəflərin iqlim dəyişikliyi, pandemiyanın qarşısının alınması və qlobal iqtisadi dirçəliş üzrə dialoqu saxlamalı olduğunu vurğulayıb.

Ancaq Çinin daxili işlərə müdaxiləylə bağlı həssaslığına eyham vuran Si deyib ki, ölkələr “aramızdakı fərqlərə hörmət etməlidirlər”.

Mirziyoev ikinci müddətə seçkiyə gedir

Şavkat Mirziyoev

Mirziyoevin 24 oktyabr seçkisini asanlıqla udacağı gözənir

Prezident Şavkat Mirziyoev hökumətyönlü Özbəkistan Liberal Demokratik Partiyasından ikinci müddətə prezidentliyə namizədliyi qəbul edib. Gələn ay ölkədə prezident seçkisi keçiriləcək.

Sentyabrın 9-da Daşkənddə partiya qurultayında nominasiyanı qəbul edən Mirziyoev daha çox islahat vəd edib. Fəallar isə onun birinci vəzifə müddətində böyük dəyişiklik edə bilmədiyini deyirlər. 35 milyon əhalisi olan Özbəkistan narazılara təzyiqlərlə seçilir.

Mirziyoevin 24 oktyabr seçkisini asanlıqla udacağı gözənir. Digər dörd nəfər simvolik namizədlər hesab olunurlar. O vəd edib ki, ikinci dəfə beş il müddətinə seçilərsə, hər bir evdə yüksək sürətlə internet olacaq, adambaşına milli gəliri 1700 dollardan 4 min dollara qaldıracaq, jurnalistlərin şəxsən qorunmasını təmin edəcək.

Keçmiş prezident İslam Karimov Özbəkistan Liberal Demokrati Partiyadan bir neçə dəfə seçilmək üçün istifadə edib. O, 2016-cı ildə vəfat edib.

O vaxtdan hakimiyyətə gələn Mirziyoev özünü islahatçı kimi göstərib, siyasi məhbusları azad edib, ölkəni qonşuların və digər ölkələrin üzünə açıb. Amma tənqidçiləri onun bir çox sahələrdə irəliləyiş əldə etmədiyini deyirlər.

Məsələn, Mirziyoev Özbəkistanda siyasi qruplara qarşı olmadığını desə də, müstəqil siyasətçilər seçkiyə namizədliklərini qeydiyyata aldıra bilməyiblər.

COVID-19 klinikasında azı 14 nəfər ölüb

Skopye, arxiv fotosu

“Hər şey yanırdı, yanğın söndürülərkən biz meyit çıxarırdıq”

Şimali Makedoniyada koronavirus xəstələrinin müalicə olunduğu müvəqqəti mərkəzdə yanğın olub, azı 14 nəfərin həlak olduğu bildirilir.

Ölkənin səhiyyə nazirliyinin məlumatına görə, hadisə sentyabrın 8-də axşam şimal-qərbdəki Tetovo şəhərində modul tipli mərkəzdə baş verib. Yanğın söndürülüb.

“On nəfərin öldüyü təsdiqlənib, amma bu rəqəm arta bilər. Çox kədərli bir gündür”, – Səhiyyə naziri Venko Filips Twitter-də yazıb.

Yanğına xəstələrin müalicəsi üçün istifadə olunan oksigen balonlarının partlamasının səbəb olduğu bildirilir. Şəhərin yanğınsöndürmə departamentinin rəis müavini Sasi Trayçevski deyib ki, “hər şey yanırdı, yanğın söndürülərkən biz meyit çıxarırdıq”.

Yerli vaxtla axşam saat 7-də baş vermiş yanğın zamanı xəstəxanada neçə xəstənin olduğu bilinmir. Paytaxt Skopyedə xəstəxanaya yaralılar köçürülüb.

Avqustun əvvəlindən Şimali Makedoniyada koronavirusa yoluxmalar artır. Hökumət kafelərə, restoranlara, ictimai tədbirlərə girişlərə məhdudiyyətlər tətbiq edib.

Kim Conq Un paradda görünüb

Kim Conq Un bu ilin fevralında (solda) və iyununda

Nüvə silahlı Şimali Koreya əvvəllər hərbi paradlarda yeni silahlarını və raket sistemlərini nümayiş etdirərdi

Şimali Koreya respublikanın qurulmasının 73 illiyi münasibətilə gecə paradı keçirib. Xəbəri KCNA dövlət xəbər agentliyi yayıb.

Ölkə lideri Kim Conq Un paytaxt Pxenyanda sentyabrın 9-na keçən gecəki tədbirə qatılıb.

Nüvə silahlı Şimali Koreya əvvəllər hərbi paradlarda yeni silahlarını və raket sistemlərini nümayiş etdirərdi.

Amma tədbirdən yayılmış fotolarda yeni raket sistemləri görünmür.

Şimali Koreya üzrə müşahidəçilər isə Kimin ciddi çəki itirdiyini və daha sağlam göründüyünü deyirlər.

İllərdir 37 yaşlı, artıq çəkili liderin səhhəti haqda şayiələr dolaşır.

İyunda dövlət mediası bir neçə həftə ictimaiyyət arasında görünməyən Kimin videosunu yaymışdı. O zaman da onun xeyli çəki atdığı görünürdü.

40-dan çox Krım tatarı saxlanılıb

Nəriman Cəlal, Krım tatar milli hərəkatının fəalı , 14 mart 2018

Rusiyanın ilhaq etdiyi Krımın Simferopl şəhərində 40-dan çox Krım tatarı saxlanılıb.

Onların arasında "Grani.ru" internet nəşrinin və "Krım Həmrəyliyi" portalının müxbirləri Ayder Kadırov və Nuri Abduraşitov da var.

Məlumata görə, adamlar Federal Təhlükəsizlik Xidmətinin (FTX) binası qarşısına toplaşaraq bir müddət əvvəl saxlanan 5 nəfərin harada olduğunu öyrənmək istəyiblər. Beləki həmin şəxslər Perevalnoe kəndi yaxınlığından keçən qaz kəmərinə ziyan vurmada günahlandırılırlar.

Məlumata görə, polis FTX-nın binası qarşısına toplaşanlara karantin qaydalarına əməl olunması ilə bağlı xəbərdarlıq edib.

Bu xəbərdarlıqdan sonra etirazçıların bir -birindən yarım metr uzaqlaşasına baxmayaraq polis onları həbs etməyə başlayıb.

Avqustun 23 -də Rusiya mətbuatı Rusiya Daxili İşlər Nazirliyinin yerli idarəsinə istinadən naməlum şəxslər tərəfindən Perevalnoye kəndi yaxınlığındakı qaz kəmərinin zədələnməsi barədə məlumat yayıb. Əmlakın qəsdən məhv edilməsi və ya zədələnməsi maddəsi ilə cinayət işi başlanıb.

Sentyabrın 3 -də və 4 -də qaz boru kəmərinə ziyan vurulması faktı ilə əlaqədar beş Krım Tatarının evində axtarış aparılıb. Daha sonra onlar saxlanılıblar. Onların arasında Məclis sədrinin müavini Nəriman Cəlal da var.

Talibanla Ahmad Massud üz-üzə

Ahmad Massuda loyal qüvvələr Pəncşir vadisində, 2 sentyabr 2021

Həm Taliban, həm də Ahmad Massuda loyal olan müqavimət döyüşçüləri Əfqanıstanda Pəncşir vadisində yeni döyüşlərdə uğur qazandıqlarını iddia edirlər.

Taliban, sentyabrın 4 -də Kabuldan təxminən 100 kilometr şimal -şərqdə, Pəncşirin paytaxtı Bazarak'a yaxınlaşdıqlarını və bir neçə sahədə irəliləyiş əldə etdiklərini idia edir.

Əfqanıstanın Tolo News telekanalı mədəniyyət komissiyasının üzvünə istinad edərək bildirir ki, Taliban Pəncşirdə dörd rayonu ələ keçirib.

Əfqanıstan Milli Müqavimət Cəbhəsinin Əfqanıstanın keçmiş vitse -prezidenti Əmrullah Saleh daha əvvəl verdiyi video mesajında cəbhə qüvvələrinin çətin vəziyyətdə olduğunu, lakin müqavimət göstərməyə davam edəcəklərini söyləyib.

Əfqanıstan Milli Müqavimət Cəbhəsinin komandanı Tawfiqullah Rasikh AzadlıqRadiosuna bildirib ki, son döyüşlərdə yeddi Taliban üsyançısı öldürülüb. Taliban isə bu iddianı rədd edib.

Taliban avqustun 15 -də Əfqanıstanın paytaxtı Kabili ələ keçirdikdən sonra, Ahməd Massuda loyal olan müxalif qrupun müqaviməti ilə üz -üzə qalıblar. Yerli lider Ahmad Massud özünün facebook səhifəsində Pəncşirin "möhkəm dayanmağa davam etdiyini" bildirib.

Davam edən döyüşlər vətəndaş müharibəsi ehtimalı ilə bağlı xəbərdarlıqlara səbəb oldu.

ABŞ da Donbasdakı münaqişənin həllinə qoşulur

ABŞ və Ukrayna prezidentləri Joe Biden (sağ), Volodymyr Zelensky 1 sentyabr 2021

Donbasdakı silahlı münaqişənin tənzimlənməsi ilə bağlı müzakirələrə ABŞ da qoşulur. Bunu Ukrayna baş nazirinin müavini Olqa Stefanişina deyib. Onun sözlərinə görə, Vaşinqton bu müzakirələrə iki ölkə prezidentlərinin görüşdüyü gündən qoşulub.

Ukraynanın Dombas bölgəsindəki silahlı münaqişənin həll olunması ilə bağlı yaradılmış Normandiya formatına Almaniya, Ukrayna, Rusiya v Fransa daxildir.

ABŞ və Ukrayna prerzidentləri Joe Bidenlə Vladimir Zelensky sentyabrın 1-də Vaşinqtonda görüşüblər. İki ölkə başçısı "Rusiya təcavüzünə qarşı mübarizə" də daxil olmaqla təhlükəsizlik və müdafiə məsələlərini müzakirə ediblər.

Məlumata görə, Zelenski, ilhaq edilmiş Krımda və Ukraynanın şərqində, eləcə də Rusiyada separatçıların nəzarətində olan bölgələrdə saxlanılan və məhkum edilmiş şəxslərin azad edilməsində kömək istəyib.

Kiyevin Vaşinqtona təhvil verdiyi siyahılarda təxminən 450 nəfərin adı var.

Donbasda silahlı münaqişə 2014-cü ildən davam edir . Həmin vaxtdan Ukraynanın Donetsksi və Luqanski vilayətləri Kievin nəzarətindən çıxıb.

Münaqişə nəticəsində 13 min insan həlak olub, ən azı milyon yarım insan evini tərk edib.

Ukrayna, Rusiya və ATƏT nümayəndələrindən ibarət üçtərəfli əlaqə qrupu bölgədəki münaqişənin həlli ilə məşğuldur.

Münaqişənin siyasi həlli üzərində Almaniya, Ukray, Rusiya və Fransanın dövlət və xarici işlər nazirlərindən ibarət dörd tərəfli "Normand Dördlüyü" işləyir.

Украина и страны Запада обвиняют Россию в поддержке вооружённых сепаратистов на востоке Украины. Москва все обвинения отвергает.

ABŞ ən azı 50 min əfqanı qəbul etməyi planlaşdırır

Əfqanıstan, Kabil hava limanı, 26 avqust 2021

Amerikanın ən azı 50 min əfqanı qəbul edəcəyi gözlənilir. Bu barədə ABŞ Daxili Təhlükəsizlik Departamentinin müdiri məlumat verib. Onun sözlərinə görə, ABŞ ordusu ilə əlaqəli çalışan insanlara kömək etmək öhdəliyinin bir hissəsi olaraq ən az 50 min əfqanın ABŞ -a qəbul edilməsinin gözlənildiyini bildirib.

Məlumatda bildirilir ki, on minlərlə əfqan təhlükəsizlik yoxlamasından keçdikdən sonra ABŞ -a gəlib və bütün ölkədəki hərbi bazalarda yerləşdirilib. ABŞ Daxili Təhlükəsizlik Departamentinin katibi Alejandro Mayorkas sentyabrın 3-də verdiyi açıqlamada daha nə qədər adamın ABŞ-a gətiriləcəyi, bu işə nə qədər vaxt sərf ediləcəyi ilə bağlı suaların açıq qaldığını deyib. Amma o, ABŞ -ın öhdəliyinin "qalıcı bir öhdəlikdir" olduğunu deyib

Mayorkas, təfərrüatları açıqlamasa da , "təhqiramiz məlumatlar" səbəbindən tranzit ölkələrdə dayandırılan bəzi təxliyəçilərin olduğunu söyləyib.

Xaricdəki tranzit məntəqələrində təhlükəsizlik yoxlamasından keçməyən əfqanların taleyi ilə bağlı məsələlər də hələlik qeyri-müəyyən olaraq qaır.

ABŞ-a köçməyi planlaşdıran əfqanlar, Amerika ordusunda və ya NATO -da işləyən və Taliban hakimiyyəti altında xüsusilə həssas hesab olunan Əfqanlar üçün Xüsusi İmmiqrant Vizası olaraq bilinən şeyi almış və ya almaq prosesindədir.

Məlumatda deyilir ki, Əfqanıstanda Amerika ordusunda və ya NATO-da işləyənlər və indi Taliban hakimiyyəti altında xüsusilə həssas hesab olunan əfqanlar Xüsusi İmmiqrant Vizası olaraq bilinən sənədləri almış və ya əldə etməkdədir.

Suqanın istefa verəcəyi deyilir

Yoşihide Suqa Horişima faciəsi qurbanlarını yad edir

Suqanın partiyanın aparıcı üzvlərinin fövqəladə toplantısında istefa niyyətini elan etdiyi bildirilir

Yaponiyanın Baş naziri Yoşihide Suqa bu ay hakim Liberal Demokratik Partiyanın (LDP) lideri postuna namizədliyini verməyəcək. Bu haqda sentyabrın 3-də NHK ictimai televiziyası məlumat yayıb.

Suqanın partiyanın aparıcı üzvlərinin fövqəladə toplantısında istefa niyyətini elan etdiyi bildirilir.

Bu o deməkdir ki, keçmiş xarici işlər naziri, partiya liderliyi uğrunda Suqanın rəqibi Fumio Kişida hakim partiyanın lideri və ölkənin baş naziri ola bilər. LDP parlamentdə çoxluğa malikdir. Partiya liderinin seçilməsi sentyabrın 29-na planlaşdırılır.

Suqanın təkrar LDP liderliyinə namizədliyini verəcəyi gözlənirdi.

Kişida koronavirus pandemiyası ilə mübarizədə dünyanın üçüncü böyük iqtisadiyyatı üçün böyük stimullaşdırıcı addımları təşviq edir.

72 yaşlı Suqa ötən sentyabrda vəzifəyə keçib. Yaponiya COVID-19-a yoluxmalarla mübarizə apardığı bir dönəmdə onun reytinqi 30 faizdən də düşüb. LDP-dən bir çox deputatlar isə mandatlarını itirəcəklərindən ehtiyatlanırlar. İctimai narahatlığa baxmayaraq Olimpiya oyunlarının keçirilməsi də Suqanın ünvanına tənqidləri artırıb.

Hökumət oktyabrın 17-də seçki keçirməyi planlaşdırır.

Taliblər tanınmış əfqan musiqiçişini öldürüblər

Taliban döyüşçüləri, 14 iyul 2009

"Taliban" Əfqanıstanın tanınmış folklor müğənnisi və musiqiçisi Favada Andarabini öldürüblər. Bu barədə musiqiçinin oğluna istinadən "Times Now" məlumat yayıb.

Məlumata görə, taliblər onun Bağlan əyalətindəki evəndə avqustun 28-də olublar. Andarabini evindən çıxarıb çöldə güllələyiblər. Müğənni hadisə yerində ölüb.

Andarabi mahnılarında dəfələrlə Taliban hərəkatını pisləyib və onunla mübarizə aparanları dəstəkləyib. Musiqiçinin ölümünü Əfqanıstanın keçmiş daxili işlər naziri Məsud Andarabi də təsdiqləyib.

Avqustun 27-də "Taliban" liderləri bəyan ediblər ki, onların rəhbərliyi altında olan Əfqanıstanda ictimai yerlərdə müsiqi qadağan olunacaq.

"İslamda musiqi qadağandır, amma ümid edirik ki, insanlara təzyiq göstərmək əvəzinə buna inandıra bilərik "deyə Taliban sözçüsü Zabihullah Mücahid The New York Times qəzetinə deyib.

Əfqanıstanda əvvəlki hakimiyyəti dövründə (1996 -2001 ) taliban ciddi şəriət qaydalarını tətbiq edib. Ölkədə bir çox siyasi, hüquq və əsas azadlıqlar məhdudlaşdırılıb. Qadınlarla bağlı sərt qaydalar qüvvədə olub.

Üzərək Yaponiyaya keçən rusiyalıya Tokio sığınacaq verməyəcək

Yaponiya polisi, 26 iyul 2016

Yaponiya Rusiya vətəndaşının saxlanması ilə bağlı rəsmi olaraq Moskvanı xəbərdar edib və həmin səxsin Kuril adalarından üzərək Hokkaydo şəhərinə gəldiyini bildirib.

Bu barədə RİA Novosti Sapporodakı Baş Konsulluğa istinadən məlumat yayıb.

Məlumatda vurğulanır ki, rusiyalı şəhərə qanunsuz daxil olduğu üçün saxlanılıb və hazırda onun Yaponiya ərazisinə necə gəldiyi araşdırılır.

Güman edilir ki, o, Kunaşirdən Hokkaydodan ayıran təxminən 25 kilometr suyu üzərək keçib. Bu ehtimalın irəli sürülməsinə səbəb Şibetsu yaxınlığındakı sahildə sualtında istifadə olunan paltarın tapılması olub.

Hokkaydo qəzeti rusiyalıya siyasi sığınacaq verilmədiyini və Yaponiyada müvəqqəti yaşamaq icazəsi almayacağını bildirir.

Qeyd olunur ki, səlahiyyətlilərin qərarı, Yaponiyanın Kuril adalarını öz ərazisi hesab etməsi ilə əlaqədardır. Bu səbəbdən də rusiyalıya sığınacaq verilməsi bu mövqeyə zidd olardı.

Gazeta.ru saytının məlumatına görə, sentyabrın 2 -də rusiyalı Saxalinə təhvil veriləcək.

Avqustun 21 -də məlum olub ki, üzərək Yaponiyaya keçən rusiyalı, üç il əvvəl Kuşnir adasındakı Qolovnino kəndi yaxınlığında torpaq alıb həmin əraziyə köçüb.

Kennedy-nin qardaşını öldürən 53 ildən sonra azadlığa çıxa bilər

Sirhan Sirhan, 9 fevral 2016

Kaliforniyanın əfv komissiyası 1968-ci ildə Robert Kennedy-ni öldürən fələstin əsilli məhbus 77 yaşlı Sirhan Sirhanın azad olunmasını təklif edir.

Bu barədə Los Angeles Times qəzeti məlumat yayıb.

ABŞ prezidenti John Kennedy-nin qətlindən 5 il sonra, 1968-ci ildə onun baş prokuror olan kiçik qardaşı Robert Kennedy də güllələnərək qətlə yetirilib.

Amerika mafiyasına qarşı yüksək səviyyəli məhkəmələr təşkil etməklə məşhurlaşan Robert Kennedy zamanında mütəşəkkil cinayətkar dəstə üzvlərinə qarşı cəza sayı yüzdə 800 faiz artıb.

1964-cü ildə istefaya gedən Robert Kennedy sonradan Nyu York ştatından senata seçilib. Dörd il sonra isə ABŞ prezidenliyinə namizədliyini irəli sürüb.

O, Kaliforniyada keçirilən praymerzdə qalib olduğunu elan edəndən sonra Los Angelsedəki "Ambassador" otelində güllələnərək qətlə yetrilib. Qatil cinayət başında tutulub.

Sirhan Sirhan (sağda), vəkili Russell E. Parsonsla, Los Angeles, iyun 1968
Sirhan Sirhan (sağda), vəkili Russell E. Parsonsla, Los Angeles, iyun 1968

1956-cı ildə 12 yaşında Amerikaya emiqrasiya edən Sirhan Sirhan qətl hadisəsini törədəndə 24 yaşında olub. Məhkəmə prosesində dindirilən qatil hadisəninin baş vermə anını xatırlamadığını deyib. Müdafiəçiləri Sirhan Sirhanın günahsız olmasını sübut etməyə çalışıblar. Amma sonda məhkəmə onun haqqında ölüm hökmü çıxarıb. 1972-ci ildə isə ölüm hökmü ömürlük həbslə əvəzlənib.

Sirhan Sirhan həbsdə olduğu 53 ildə 16 dəfə əfv olunması ilə bağlı müraciət edib. Sonuncu dəfə onun əfvlə bağlı müraciətini Robert Kennedy-nin iki oğlu müdafiə edib.

"Senator Kennedy bütün dünyanın ümidi idi, mən onda hamını incitdim -bu dəhşətli hərəkətin reallaşması məni incidir" deyə Associated Press onun müraciətindən sitat gətirir.

Los Angeles Rayon Prokurorluğu, əfv komissiyasının qərarına etiraz etməyəcəklərini bildirib. Amma prokurorluq hesab edir ki, sərbəst buraxılma ilə bağlı son qərarı Kaliforniya Qubernatoru Gavin Newsom verməlidir.

Kabildə terroru təşkil edənin öldürüldüyü bildirilir

ABŞ ordusuna məxsus dron

Amerika hərbçiləri , Kabildə baş verən partlayışlara cavab olaraq "İslam dövləti" qruplaşmasına qarşı dronla zərbələr endiriblər. ABŞ silahlı qüvvələrinin baş komandanlıq Mərkəzindən verilən məlumata görə, bu avqustun 26-da Kabildə törədilən partlayışlara cavab zərbəsi olub.

Məlumatda bildirilir ki, Əfqanıstanın şərq əyaləti olan Nanqarhar əyaləti ərazisində aşkarlanan "İslam Dövləti" qruplaşmasının partlayışı təşkil edən nümayəndəsi öldürülüb.

Avqustun 26-da Kabildə törədilən terror hadisəsində ən azı 170 nəfər həlak olub ki, onların arasında 13 Amerika əsgəri və çox sayda uşaq olub.

Hadisdən sonra efirdə çıxış edən ABŞ prezidenti harada olmasından asılı olmayaraq "İslam Dövləti" qruplaşmasına qarşı zərbələr ediriləcəyini deyib.

ABŞ kəşfiyyatı: COVID-19-un mahiyyəti anlaşılmazdır, amma silah deyil

Elektron mikroskop altında SARS-CoV-2 virus hissəcikləri, ABŞ

ABŞ kəşfiyyat orqanları koronavirusun mənşəyi ilə bağlı fikir ayrılığına malik olsalar da, Çinin bu virusu bioloji silah olaraq yaratdığı hipotezini rədd edirlər.

Amerika kəşfiyyat hesabatına istinadən Associated Press yazır ki, Çinin liderləri, çox güman ki, pandemiya başlamazdan əvvəl virus haqqında bilgisiz olublar.

Məlumatda vurğulanır ki, hesabatı hazırlayarkən Amerika kəşfiyyat xidmətləri müttəfiq ölkələrlə məsləhətləşib, o cümlədən qeyri -hökumət mütəxəssislərini və epidemioloqlarını da bu işə cəlb ediblər.

Amma Çinin ABŞ -la əməkdaşlıqdan imtina etməsi virusun mənşəyini analiz etməyi çətinləşdirib. ABŞ milli kəşfiyyatının rəhbəri, Çinin qlobal bir araşdırmaya mane olduğunu və virus haqqında məlumatları digər ölkələrlə paylaşmadığını söyləyib.

ABŞ kəşfiyyatının bir hissəsi COVID-19-un laboratoriya mənşəli olduğuna inanır. Elm adamları yarasalardan keçən virusun təbii mənşəyi nəzəriyyəsinə söykənirlər.

Çin Xarici İşlər Nazirliyi isə bütün ittihamları əsassız adlandırır. Pekin iddia edir ki, ABŞ Çin Xalq Respublikasını bu məsələdə "günah keçisi" kimi təqdim edir.

2021-ci ilin mayında ABŞ prezidenti Joe Biden virusun Çində laboratoriyada hazırlanması ilə bağlı məlumatların araşdırılması üçün ölkə kəşfiyyatına üç aylıq vaxt verib.

2021-ci ilin əvvəlində Dünya Səhiyyə Təşkilatının ekspertləri virisun ilk yayıldığı ehtimal olunan Çinin Uhan əyalətində olublar. Araşdırmalar nəticəsində ekspertlər virusun insana heyvandan keçməsinin daha inandırıcı olduğu qənaətinə gəliblər.

Pekin koronavirusun laboratoriya mənşəli olması və məlumatların gizlədilməsi ilə bağlı ittihamları təkzib edib və Dünya Səhiyyə Təşkilatının əlavə araşdırmalarında iştirakdan imtina edib.

Pandemiyanın ilk günündən indiyə qədər dünyada 200 milyondan çox adam bu virusa yoluxaraq xəstələnib, 4 milyondan çox adam isə ölüb.

Ermənistan Türkiyənin müsbət siqnallarını 'dəyərləndirəcək'

Nikol Paşinyan

Türkiyə Prezidenti Recep Tayyip Ərdoğan bu günlərdə deyib ki, Ermənistan regionda sülhün bərpası üçün müsbət addımlar atarsa Türkiyə də buna adekvat cavab verəcək

Ermənistan Türkiyə tərəfdən müsbət siqnalları dəyərləndirəcək və bunlara pozitiv siqnalla cavab verəcək. Bunu hökumətin iclasında Ermənistanın Baş naziri Nikol Paşinyan deyib.

“Regional sülh mövzusunda Türkiyə tərəfdən bəzi açıq müsbət siqnallar var. Bu siqnalları dəyərləndirəcək və onlara müsbət siqnallarla cavab verəcəyik”, – Paşinyan vurğulayıb.

Ermənistanda hərbi təlimlərə çağırış başlayıb
Gözlə

No media source currently available

0:00 0:01:58 0:00

Türkiyə Prezidenti Recep Tayyip Ərdoğan bu günlərdə deyib ki, Ermənistan regionda sülhün bərpası üçün pozitiv addımlar atarsa Türkiyə də buna adekvat cavab verəcək.

“Sonuncu Qarabağ müharibəsindən sonra bu istiqamətdə yeni imkanlar açılıb. Biz bəyan etmişik ki, Ermənistan bu imkanlara müsbət reaksiya verərsə gərəkən addımları atacağıq”, – Ərdoğan bildirib.

Türkiyə ötənilki 44 günlük müharibədə Azərbaycanı dəstəkləyib. Rəsmi Bakı həmin müharibə nəticəsində Qarabağın bir hissəsinə və ətraf 7 rayona nəzarəti bərpa edib.

Bu il yanvarın 11-də Moskvada Rusiya, Azərbaycan və Ermənistan liderlərinin imzaladığı üçtərəfli bəyanat regionda kommunikasiya xətlərinin açılmasını nəzərdə tutur.

Tokioda Paralimpiya Oyunları başlanır

Tokyo 2020 Paralimpiya Oyunlarının məşəli gəzdirilir

Koronavirus qadağalarından dolayı 68 min stadionda yerlərin çoxu boş olacaq

Avqustun 24-də Tokio Paralimpiya Oyunlarına start verilir. Bu oyunlarda atletlər əngəllərin onların idman uğuruna mane olmadığını göstərirlər.

Yaponiya İmperatoru Naruhito axşam oyunları rəsmən açıq elan edəcək. Koronavirus qadağalarından dolayı 68 min stadionda yerlərin çoxu boş olacaq.

Builki oyunlara 162 komandadan 4 min 400 atlet qatılacaq. Atletlər 22 idman növü üzrə yarışacaqlar. İlk dəfə olaraq badminton və taekvando da siyahıya salınıb.

Sentyabrın 5-dək davam edəcək oyunlar Tokioda COVID-19-a yoluxmaların artdığı bir dönəmdə keçirilir.

Paralimpiya atletləri də olimpiya oyunlarında olduğu kimi gündəlik test verəcək, məcburi qaydada maska taxacaq, hərəkətlərinə məhdudiyyətlər qoyulacaq. Oyunlar əsasən tamaşaçısız keçiriləcək. Bəzi yarışlara məktəblilərin buraxılacağı gözlənilir.

Beynəlxalq Paralimpiya Komitəsinin sədri Endrü Parsons avqustun 23-də deyib ki, izləyicilərə qadağa qoyulması “düzgün qərar”dır.

“Mənim mesajım odur ki, televizoru işə salın və istədiyiniz qədər Paralimpiya Oyunlarına baxın”, – o deyib.

ABŞ Əfqanıstandan təxliyyəyə 18 mülki təyyarə cəlb edir

ABŞ hərbi təyyarəsi, Kabil hava limanı, 19 avqust ugust 2021

Pentaqon bildirir ki, bundan başqa adamları Yaxın Şərqdəki ABŞ bazalarına çatdırmaq üçün müdafiə naziri Lloyd Austin çox nadir hallarda istifadə olunan  Mülki Ehtiyat Hava Donanmasının (GRAF) təyyarələrinin işə cəlb edilməsinə göstəriş verib. 

Birləşmiş Ştatlar on minlərlə əfqanıstanlı və xaricininin Kabildən çıxarılmsına bir neçə böyük Amerika hava yolları şirkətini cəlb edib.

Pentaqon bildirir ki, bundan başqa adamları Yaxın Şərqdəki ABŞ bazalarına çatdırmaq üçün müdafiə naziri Lloyd Austin çox nadir hallarda istifadə olunan Mülki Ehtiyat Hava Donanmasının (GRAF) təyyarələrini işə cəlb edilməsinə göstəriş verib.

Məlumatda deyilir ki, American Airlines, Atlas, Delta, Omni, Hawaiian və United şirkətlərindən 18 mülki təyyarə təxliyə ilə məşğul olan onlarla hərbi yük nəqliyyatına kömək edəcək.

Həmin təyyarələr Kabildən ABŞ -ın Qətər, Bəhreyn və Birləşmiş Ərəb Əmirliklərindən olan bazalarına təxliyyə olunmuş adamları ABŞ və Avropa ölkələrinə daşıyacaq.

Minlərlə hərbçinin Kabil hava limanını qoruması ilə yanaşı Vaşinqton indiyə qədər olan ən geniş təxliyyə əməliyyatlarından birini avqustun 31-də yeknlaşdırmağa qərar verib.

ABŞ prezidenti Joe Biden Əfqanıstandan 15 minə qədər amerikalının çıxarılmalı olduğunu deyib. Onun sözlərinə görə, administrasiya ən azı 50 min əfqan müttəfiqi və onların ailə üzvlərini ölkədən çıxarmaq istəyir.

Biden Taliban-ın qəfil qələbəsindən sonra xaotik təxliyyənin geniş tənqid olunmasına münasibət bildirib. Prezident amerikalıların, digər əcnəbi və müttəfiqlərin Taliblər tərəfindən işğal olunmuş Kabildan çıxarmaqla bağlı çılğın səylərin təhlükəli olduğunu deyib.

Şənbə günü vəziyyətin daha da gərginləşməsi səbəbindən ABŞ hökuməti təhlükəsizliyə görə, öz vətəndaşlarına hava limanından kənar durmaqla bağlı xəbərdarlıq edib.

Pentaqonun təxliyyə əməliyyatlarına başladığı 14 avqust tarixindən indiyə qədər Əfqanıstandan 17 min adam çıxarılıb. İlkin olaraq çıxarılanlar Qatar və Küveytə aparılıb. Onların arasında bütövlükdə 2500 amerikalı olub.

Yunanıstan Türkiyə ilə sərhəddə 40 kilometrlik hasar çəkib

Türkiyə ilə Yunanıstan arasında çəkilən yeni hasar, 10 avqust 2021

Yunanıstan, Əfqanıstandan ölkəyə miqrant axınının qarşısını almaq üçün Türkiyə ilə sərhəddə çəkdiyi 40 kilometrlik hasarın açılışını edib. 

Bu barədə "Katimerini" qəzeti məlumat yayıb. Əfqanıstanda hakimiyyətin Taliban tərəfindən ələ keçirilməsindən sonra Afina, 2015 -ci ildə baş verən miqrasiya böhranının təkrarlanacağından qorxur.

Həmin dövrdə əsasən Suriya və Əfqanıstan vətəndaşları olan bir milyon iki yüz mindən çox miqrant Avropa Birliyindən sığınacaq istəyib.

Məlumatlara görə, onların bir çoxu Avropa Birliyinə Türkiyə-Yunanıstan sərhədindən keçməklə daxil olub.

Yunanıstan hakimiyyəti sərhədin toxunulmazlığını təmin etməyə hazır olduğunu bildirir.

Cümə günü Baş nazir Kyriakos Mitsotakis Türkiyə Prezidenti Rəcəb Ərdoğanla vəziyyəti müzakirə edib.

Ərdoğana görə, miqrantlar Türkiyə və İrandan keçməklə Avropaya getdiyi nəzərə alınmalı və hər iki ölkə dəstəklənməlidir, yoxsa yeni bir köç dalğası qaçılmaz olacaq.

Davamı

XS
SM
MD
LG