Keçid linkləri

Təcili xəbərlər
2018, 20 May, bazar, Bakı vaxtı 23:11

Keçmiş səhra komandiri Kosovonun baş naziri seçilib


Ramush Haradinaj

Kosovo prezidenti keçmiş səhra komandiri olmuş Ramush Haradinaj-ı baş nazir postuna təyin edib və ona yeni hökumət formalaşdırmaq mandatı verib. Bununla da bu Balkan ölkəsində aylardır davam edən siyasi böhranın sona çatdığı görünür.

Prezident Hashim Thaci R.Haradinaj-ı sentyabrın 7-də bu vəzifəyə təyin edib. Bundan az öncə Kosovo parlamenti Kosovo Demokratik Partiyasından (PDK) Kadri Veseli-ni spiker seçib. Ölkənin siyasi mühitinin sabitləşməsi yönündə bu, vacib addım sayılır.

Kosovonun müstəqilliyi uğrunda mübarizə aparmış R.Haradinaj 2005-ci ildə qısa müddətə baş nazir postunu tutub. Ancaq keçmiş Yuqoslaviyada hərbi cinayətlərlə bağlı BMT məhkəməsində mühakimə olunmamışdan istefa verib. O, daha sonra bəraət alıb.

Ancaq Serbiya onu 1998-99-cu illərdə Kosovo müharibəsi zamanı qətl və işgəncə ittihamlarıyla axtarır.

Günün bütün mövzuları

XS
SM
MD
LG