Bu gün, sentyabrın 1-i Qurban bayramıdır. Səhər tezdən Azərbaycandakı məscidlərdə bayram namazı qılınıb.
İslam dininə görə, hər bir mömin müsəlman Allaha qurban kimi bir heyvan kəsməlidir.
Tövsiyə edilir ki, qurban kəsilən heyvanın əti üç hissəyə bölünməlidir. Birinci hissəni heyvanın sahibi özünə götürməli, ikinci hissə qonum-qonşuya, üçüncü hissə isə imkansız ailələrə, yetim-yesirlərə paylanmalıdır.
Qafqaz Müsəlmanları İdarəsi tövsiyə edib ki, heyvanların kəsilməsi mərasimi azyaşlı uşaqların gözü qarşısında icra edilməsin və bütün sanitar qaydalara əməl edilsin.
Qurban kəsilməsi həcc ziyarətində yerinə yetirilən vacib əməldən biri sayılır. Odur ki, həcc ziyarətində olanların qurban kəsməsi vacibdir. Həccdən kənarda olanlara isə bu əməl imkana görə tövsiyə olunur.
Qurban kəsilməsi hələ İslamdan öncə gələn bir sıra dinlərdə də öz əksini tapıb.
