Keçid linkləri

Təcili xəbərlər
2018, 21 Fevral, çərşənbə, Bakı vaxtı 13:30

Moldova hökuməti Rusiya baş nazirinin müavini Dmitry Rogozin-i «persona non-qrata» elan edib.

Rogozin-in Moldovaya girişi, yaxud ərazisindən keçməsi yasaqlanıb.

Hökumət bunu Rogozin-in iyulun 28-də Moldova, onun xalqı və rəhbərliyi haqda ziddiyyətli bəyanatları ilə izah edib. Həmin gün Rumıniya hakimiyyəti Rogozin-in olduğu kommersiya təyyarəsinin hava məkanına girməsinə icazə verməmişdi.

Rusiya xarici işlər nazirinin müavini Grigory Karasin Rogozin-ə qarşı qadağanı «provokasion və əsaslandırılmamış» adlandırıb və deyib ki, Moldova hökuməti Rusiyayla münasibətləri korlamağa çalışır.

Moldovanın rusiyapərəst prezidenti Igor Dodon avqustun 4-də Tehranda prezident Hassan Rohani-nin inauqurasiya mərasiminə gedərkən Rogozin-lə də görüş planlaşdırır.

Moldovanın Dnestryanı bölgəsinin separatçıları 1990-cı illərdə müstəqillik elan edib. Moskvanın onları dəstəkləməsimə baxmayaraq, heç bir ölkə tərəfindən tanınmırlar. Rusiya burada 1200 nəfərlik hərbi qüvvə saxlayır.

Günün bütün mövzuları

XS
SM
MD
LG