Müəmmalı şəraitdə ölən əsgər Vüsal Novruz oğlu Hümbətovun ailəsi iyulun 28-i Bakı-Qazax magistral yolunu bağlayaraq aksiya keçiriblər.
Ancaq Goranboy rayonunun Nadirkənd kəndində doğulan Vüsal Hümbətovun yaxınları "N" saylı hərbi hissəsinin çavuşunun intihar etməsi barədə deyilənləri rədd edir və müvafiq orqanların araşdırma aparmalarını tələb edirlər.
Buna da bax: Əsgər ölümlərini gizlətmək ya açıqlamaq lazımdır? [video]
Aksiya iştirakçıları onun öldürüldüyündən şübhələnirlər:
“Vüsalın məzuniyyətə gəlməsinə iki gün qalmışdısa, niyə intihar etsin?”, – deyə onlar sual ediblər.
Nadirkənd icra nümayəndəsi Elşən Verdiyev də əsgərin ölüm xəbərini təsdiq edib:
“Yas mərasiminə hərbçilər də gəlmişdilər. Onlar da ölüm səbəbini dəqiq bilmirlər. Hazırda araşdırma gedir, yəqin ki, bəlli olacaq”.
Buna da bax: Avropa Məhkəməsindən əsgər ölümünə görə Azərbaycana qarşı qərar
Müdafiə nazirliyi, hələ ki, Vüsal Hümbətovun ölümü ilə bağlı məlumat yaymayıb.