Bu ilin ilk 6 ayında ayında Azərbaycanda istehlak məhsullarının və xidmətlərin qiymətləri bahalanıb. Bu haqda Dövlət Statistika Komitəsinin məlumatında deyilir.
Məlumata görə, 2016-cı ilin müvafiq dövrünə nisbətən istehlak məhsulları və xidmətlər bütünlükdə 13,9 faiz bahalanıb.
Bu sırada ərzaq məhsullarının18 faiz, qeyri-ərzaq məhsullarının 12 faiz, əhaliyə göstərilən ödənişli xidmətlərinsə 9 faiz bahalandığı bildirilir.
Bu ilin iyununda maya nisbətən istehlak məhsullarının və xidmətlərin 1 faiz, o cümlədən ərzaq məhsullarının 2,5 faiz ucuzlaşdığı, qeyri-ərzaq məhsulları və əhaliyə göstərilən ödənişli xidmətlərin 0,1 faiz bahalandığı qeyd olunur.
Buna da bax: Yoxsulluq səviyyəsi ABŞ-da 11% olanda, Azərbaycanda niyə 5%-dir?
Bu məhsullar ucuzlaşıb
Ay ərzində unun, qarabaşaq və manna yarmasının, makaron məmulatlarının, mal, qoyun və toyuq ətinin, günəbaxan və qarğıdalı yağlarının, pasterizə olunmamış üzlü südün, çay və qəhvənin, mineral sular və bulaq suyunun, şəkər və şəkər tozunun, kartofun, şirin bibərin, pomidorun, xiyarın, çiyələyin, əriyin, alçanın, gilasın, tütün məmulatlarının qiymətlərinin ucuzlaşdığı deyilir.
Bunlar isə bahalanıb
Kərə və zeytun yağlarının, kolbasa məmulatlarının, yumurtanın, almanın, limonun, soğanın, çuğundurun, göyərtinin qiymətlərində isə bahalanma müşahidə olunub. Digər ərzaq məhsullarının qiymətlərində ciddi dəyişikliklər baş verməyib.