Keçid linkləri

Təcili xəbərlər
2018, 21 İyul, şənbə, Bakı vaxtı 04:18

ABŞ prezidenti Donald Trump-ın keçmiş seçki kampaniyasının sədri Paul Manafort iyunun 27-də xarici agent kimi qeydiyyatdan keçib. O, Ukraynanın keçmiş prezidenti Viktor Yanukovych-in siyasi partiyası üçün gördüyü konsultasiya işinə görə agent kimi qeydə alınıb.

Manafort Ədliyyə Departamentinə təqdim etdiyi anketdə yazıb ki, «DMP International» firması 2012-2014-cü illərdə keçmiş rusiyapərəst hakim Regionlar Partiyasından 17 milyon dollar alıb.

P.Manafort Trump-ın kampaniyasının xarici agent kimi qeydiyyatdan keçmiş ikinci üzvüdür. Martda prezidentin keçmiş milli təhlükəsizlik müşaviri Michael Flynn türkiyəli biznesmen üçün gördüyü işə görə Ədliyyə Nazirliyində qeydiyyata alınıb.

Manafort beş ay Trump-ın kampaniyasına rəhbərlik edib və «The Associated Press» agentliyinin məlumatından dərhal sonra istefa verib. Agentlik onun Ukraynada hakim partiya üçün Vaşinqtonda gizli lobbiçiliklə məşğul olduğunu yazmışdı.

Günün bütün mövzuları

XS
SM
MD
LG