Keçid linkləri

2017, 23 İyun, Cümə, Bakı vaxtı 22:57

Baş həkim: 'Zəhərlənən uşaqlar evə buraxılır'


«İyunun 14-də xəstəxanasındakı uşaqlardan 15-i də evə buraxılacaq».

Bunu Sumqayıt Şəhər Uşaq Xəstəxanasının baş həkimi Müşfiq Məmmədli bildirib.

Onun deməsinə görə, bu gün, iyunun 14-ü onlar buraxıldıqdan sonra xəstəxanada cəmi 17 zəhərlənmədən müalicə olunan uşaq qalacaq. Onlar da yaxın günlərdə evlərinə buraxılacaqlar:

«Artıq bu mərhələni başa vurduq, proses yekunlaşır, yeni müraciət edənlər yoxdur. Ağırlaşma halları baş verməyib, artıq hər şey öz təbii sonluğuna çatır».

XATIRLATMA

İyunun 9-u, 10-u Tağıyev və Ceyranbatan qəsəbələrindən 119 uşağın zəhərlənmə əlaməti ilə Sumqayıtdakı xəstəxanaya gətirildiyi bildirilir. Onların bir hissəsi ilkin müdaxilədən sonra evə buraxılıb, təqribən 60-ı xəstəxanaya yerləşdirilib.

Yerli sakinlərin deməsinə görə, zəhərlənən bəzi uşaqlar isə həkim nəzarəti altında evdə müalicə alıb.

Valideynlər və Səhiyyə Nazirliyi infeksiyanın sudan düşdüyünü təxmin edirdilər.

Səhiyyə Nazirliyi iyunun 12-si uşaqların «Rotavirus» infeksiyasına yoluxduğunu açıqlayıb. Xəstəliyin əsas əlaməti baş ağrısı, ürəkbulanma və ishaldır.

Ancaq «Azərsu» ASC bundan əvvəl sudan nümunələr götürüldüyünü və bu deyilənlərin təsdiqlənmədiyini bəyan etmişdi.

Sənin fikrin

Şərhləri göstər

Günün bütün mövzuları

XS
SM
MD
LG