Birləşmiş Ərəb Əmirliklərində internetdə Qətərə rəğbət bəsləyənlər həbsə atılacaq

Birləşmiş Ərəb Əmirliklərinin baş prokurorluğu internetdə Qətərə rəğbət bəsləyənlər və ya Birləşmiş Ərəb Əmirlikləri dövlətini tənqid edənlərin cəzalandırılacağını bəyan edib.

Bunu Birləşmiş Əmirliklərin baş prokuroru Hamad Saif Al-Shamsi “Al Arabiya” kanalına müsahibəsində deyib.

Mənbə yazır ki, buna görə, 3 ildən 15 ilədək həbs cəzası və ya azı təxminən 150 min dollar cərimə nəzərdə tutulur.

Səudiyyə Ərəbistanı, Bəhreyin, Birləşmiş Ərəb Əmirlikləri, Yəmən, Misir, Maldiv adaları və Mavrikiya iyunun 5-də Qətərlə diplomatik əlaqələri kəsiblər.

Bu ölkələr Qətəri terrorçuluğu dəstəkləməkdə ittiham edirlər.