Qətərlə ərəb ölkələrinin arasını düzəltməyə çalışırlar

Birləşmiş Ştatlarla Küveyt Qətərlə bir neçə ərəb ölkəsi arasında diplomatik körpünü bərpa etməyə çalışırlar. İyunun 5-də dörd ölkə Dohanın ekstremizmi dəstəklədiyini əsas gətirərək onunla diplomatik əlaqələri kəsib.

İddialara görə, Doha İranı və regiondakı şiə üsyançı qruplarını dəstəkləyir.

Qətərin Xarici İşlər Nazirliyi iyunun 6-da bildirib ki, Küveyt diplomatik qalmaqalda vasitəçilik etməyə çalışır.

«Al-Jazeera» televiziyası ilə yayımlanan çıxışında xarici işlər naziri Mohammed bin Abdul Rahman Al-Thani deyib ki, Qətər mübahisəni dərinləşdirməməyə çalışacaq.

ABŞ rəsmiləri də tərəflər arasında gərginliyi azaltmağa çalışacaqlarını deyiblər.

Qətərlə diplomatik əlaqələri kəsən ölkələr Səudiyyə Ərəbistanı, Misir, Bəhreyn və BƏƏ-dir.