Keçid linkləri

Təcili xəbərlər
2018, 17 Avqust, Cümə, Bakı vaxtı 07:19

Trump yenə 'əcinnə ovu'ndan danışdı


D.Trump

ABŞ prezidenti Donald Trump bir daha bildirib ki, Rusiyanın ötən il ABŞ-da prezident seçkisinə müdaxiləsiylə bağlı təhqiqat «əcinnə ovu»dur. O, komandasıyla rusiyalılar arasında heç bir gizli anlaşma olmadığını bildirib.

Mayın 18-də kolumbiyalı həmkarı Juan Manuel Santos-la birgə mətbuat konfransında danışan Trump deyib ki, «kampaniyam, şəxsən özümlə rusiyalılar arasında heç bir anlaşma olmayıb... Hətta düşmənlərim də deyirlər ki, belə bir anlaşma olmayıb».

Məsələni araşdırılmağa xüsusi prokurorun təyin olunmasıyla bağlı suala cavabında Trump bu addıma sayqıyla yanaşdığını, amma bütün məsələnin «əcinnə ovu»ndan başqa bir şey olmadığını vurğulayıb. O, mətbuat konfransından qabaq da oxşar ifadə səsləndirmişdi.

Trump həmçinin, FTB-nin işdən çıxardığı sədri James Comey-yə keçmiş müşaviriylə bağlı təhqiqatı dayandırmaqdan ötrü təzyiq göstərmədiyini söyləyib. Söhbət fevralda işdən çıxarılmış milli təhlükəsizlik müşaviri Michael Flynn-dən gedir.

Günün bütün mövzuları

XS
SM
MD
LG